सौर्य एयरलाइन्सको असार ९ गते बिहान भएको जहाज दुर्घटनामा १८ जना प्राविधिक र क्र्यु मेम्बरको निधनले जिफन्ट परीवार अत्यन्त दुःखीत भएको छ ।

जिफन्ट, दुर्घटनामा निधन हुने सबै मृतकहरुलाई हार्दिक श्रद्धाञ्जली र मृतकका शोकाकुल परिवारजनमा गहिरो समवेदना एवं घाईते भएका क्याप्टेन मनिष रत्न शाक्यको सिघ्रस्वास्थ लाभको कामना गर्दछ ।

ललितपुरको गोदावरी लगनखेल रुटका चालक राजकुमार तिरुवालाई ट्राफिक प्रहरीका सहायक हवल्दार राजेश चौधरी र जवान अर्जुन राईले हातपात गरेपछि आक्रोशित यातायात मजदुरहरुले आइतबार साँझ सातदोबाटो चोक क्षेत्र अवरूद्ध पारे । 

लगनखेलबाट यात्रु सहित गोदावरी जाँदै गरेको बा २ ख २०७७ नम्बरका चालक तिरुवालाई सहायक हवल्दार राजेश चौधरीले मागेको कागजपत्र ट्राफिक प्रहरी कार्यालयमै रहेकोले आफुसंग नभएको बताएका थिए । 

त्यसपछि आवेसमा आएका ट्राफिक प्रहरीहरूले चालक तिरूवलाई स्टेयरिङमै मुक्काले हानेर लछारपछार गर्दै भूइमा झारेपछि बुटले हानेको र गाडीको स्टेयरिङ नै भाचिनेगरी आक्रमण गरेको घटनाका प्रत्यक्षदर्सीले बताएका छन् ।

ट्राफिक प्रहरीको अमर्यादित व्यबहार विरूद्ध सवारी चालकहरू आन्दोलित बनेका नेपाल यातायात स्वतन्त्र मजदुर संगठन ललितपुर जिल्ला कमिटी र गोदावरी रुट इकाई कमिटीले सबै गाडीहरु सडकमै राखेर ट्राफिकको कुटपिट विरुद्ध नारावाजी गर्दै राती ८ बजेसम्म सडक अवरुद्ध गरेका थिए ।

यातायात मजदुरहरूले प्रदर्शन गरेको एकताका कारण अन्ततः ट्राफिक प्रहरीले आफ्ना सहायक हवल्दार चौधरी र जवान राईलाई विभागीय कारवाही गर्ने, चालकको उपचार र सवारी साधनको मर्मत गर्ने लगायतका ४ बुँदे सम्झौता गरेको छ ।
 

कोभिड महामारीपछिको विश्व आर्थिक मन्दीको असर नेपालमा पनि द्खिन थालेको ५ । रोजगारीका लागि यहाँ आउने विदेशी श्रमिकको संख्या घटेको श्रम तथा व्यवसायजन्य सुरक्षा विभागले जनाएको छ ।

अघिल्लो आर्थिक वर्षको तुलनामा श्रमस्वीकृति लिने विदेशीको संख्या १० प्रतिशतले घटेको उल्लेख छ आव २०७९–८० मा २ हजार ९९४ रहेको संख्या गत आवमा भने २ हजार ६८५ जनाको मात्ररहेको छ । 

नेपालमा रोजगारीका लागि ९६ देशका नागरिकले श्रमस्वीकृति लिएकामा सबैभन्दा बढी चिनियाँ छन् । नेपालमा सञ्चालन भएका प्रतिष्ठानले ५ प्रतिशतमात्र विदेशी कामदार राख्न सकिने प्रावधान श्रम ऐनमा छ । 

विदेशी नागरिकको श्रम इजाजत व्यवस्था सम्बन्धी निर्देशिका २०७५ ले नेपालमा उपलब्ध हुन नसकेका दक्ष जनशक्ति आयात गरी काममा लगाउन सकिने व्यवस्था भए पनि नेपाल सरकारका विभिन्न निकायसँग भएका सम्झौता बमोजिमको संख्यामा विदेशी श्रमिकलाई काममा लगाउन पाउने व्यवस्थाले अदक्ष कामदारसमेत नेपालमा आउने गरेको पाइन्छ ।
 

नेपाल प्रहरीका अनुसार त्रिभुवन अन्तर्राष्ट्रिय विमानस्थलबाट दुबईकालागि मात्रै दैनिक दुई सय ५० महिलाको तस्करी हुने जानकारी प्राप्त भएको छ ।

भिजिट भिसामा जान चाहनेका लागि होटेल बुकिङ, जहाजको टिकट र भिसा भए पुग्ने भएकोले तस्करले कानुनको यही दफा प्रयोग गरेर सजिलै मानव तस्कर गरिरहेका छन् । 

विगतमा भिजिट भिसामा दुबई जानेका लागि प्रहरी रिपोर्ट, १२ कक्षा पास गरेको शैक्षिक प्रमाणपत्र, बैंक स्टेटमेन्ट अनिवार्य थियो । जसका लागि फर्जी कागजात बनाउने मात्र नभई अध्यागमनका कर्मचारीसँग समेत सेटिङ मिलाउनुपर्थ्यो । 

तर, अहिले उल्लेखित कुनै कागजात जुटाउनु नपर्ने हुँदा मानव तस्करी सहज भएको छ । सूचनाअनुसार नेपालको मात्र होइन, भारतको विमानस्थल हुँदै नेपाली महिलाको तस्करी भइरहेको छ । 

तस्करले नेपाल र दुवईमा सञ्जाल नै खडा गरि यस्तो कार्य गरिरहेको जानकारीमा आएको  छ ।
 

नेपाल ट्रेड युनियन महासंघ (जिफन्ट) राष्ट्रिय कमिटीको १११ औं बैठक बिनोद श्रेष्ठको अध्यक्षतामा साउन ६ गते सम्पन्न भयो ।

जिफन्ट सभाहलमा सम्पन्न बैठकले राष्ट्रिय प्रतिनिधि परिषदको साउन ५ र ६ गते आयोजित बैठकले पारित गरेका प्रतिवेदनहरूलाइ शुत्रवध्द गरी दस्तावेज तयार गर्न उपाध्यक्षहरू बिदुर कार्की, जितेन्द्र श्रेष्ठ, जनक चैधरी र सीता लामाको समूहले अगामी कामको प्रस्ताब र उपमहासचिव कमला तामाङ, सचिवहरू स्मृती लामा, बेलीमाया घले, बिजया खडका, तारानिधी पन्तको समूहले सांगठानिक प्रतिवेदनलाई तयार गर्ने निर्णय गरेको छ । 

प्रतिनिधि परिषदको ११ औं बैठक सम्पन्न गर्न योगदान गर्नुहुने सबैमा धन्यवाद दिदै बजार ब्यवस्थान तथा बिक्री कर्मचारी संघ (अम्स नेपाल) लाइ जिफन्टको अवध्दता दिने बैठकले निर्णय गरेको छ ।
 

नेपाल ट्रेड युनियन महासंघ (जिफन्ट) को राष्ट्रिय प्रतिनिधि परिषदको ११ औं बैठक हिँजो  सम्पन्न भयो । नेकपा (एमाले) का उपमहासचिव तथा जिफन्ट संरक्षक विष्णु रिमालको अध्यक्षतामा साउन ५ र ६ गते काठमाडौंको थापागाउँमा  आयोजित बैठकले विभिन्न प्रस्तावहरू पारित गरेको छ । 

परिषद बैठकले जिफन्ट अध्यक्ष बिनोद श्रेष्ठद्वारा प्रस्तुत १७ वटा शीर्षकमा विभाजित अगामी कामको प्रस्ताब पारित गर्‌यो । 

२८ पृष्ठ लामो उक्त कार्यक्रमहरूमा सङ्गठन सुदृढिकरण र सदस्यता वितरण, श्रम कानुन शंसोधन, होटल तथा पर्यटन क्षेत्रका मजदुरको १० % सेवा शुल्क फीर्ता अभियान, तालिमेलाई तलबी अभियान, सबै क्षेत्रमा सामाजिक सुरक्षा लागू गराउने अभियान, आउटसोर्स श्रमिकलाई सङ्गठित गर्ने र सामाजिक सुरक्षामा आवद्ध गराउने अभियान, प्रतिष्ठान स्तरमा श्रम अडिटको कार्यान्वयन गराउने अभियान, प्रशिक्षण सञ्चालन, श्रम सम्बन्ध सन्तुलित बनाउन कार्यथलोमा उठ्ने विवाद निरूपण र श्रम डेस्क स्थापना, श्रमिकका योगदानको प्रचार तथा प्रकाशन गर्ने, व्यवसाय जन्य सुरक्षा र स्वास्थ्य सुरक्षालाई वलियो बनाउने, विभिन्न दिवस र समारोहको  आयोजना, प्रवासी श्रम र रोजगारीलाई सुरक्षित र मर्यादित बनाउने श्रमिकका मुद्धामा जेटियुसीसी मार्फत साझा पहल र संयुक्त कामलाई बलियो बनाउने , विशेष कार्यक्रमहरूको आयोजना, केन्द्रीय कार्यलयलाई थप व्यवस्थित बनाउने र सहकार्य तथा जनसङ्गठनको अन्तरसम्बन्ध प्रभावकारी बनाउने जस्ता १७ वटा शीर्षक अन्तरगत वर्षभरी कार्यान्वयन हुने विस्तृत गतिविधिहरू समेत परिषद बैठकले पारित गरेको छ । 

त्यसैगरी, बैठकले उपाध्यक्ष बिदुर कार्कीले पेश गर्नु भएको २१ बुँदे समसायिक बिषयको प्रस्ताव, महासचिव लक्ष्मण शर्माले पेश गर्नु भएको राष्ट्रिय कमिटिको प्रतिवेदन र अर्थिक प्रवन्धक बाबुराम कोइरालले पेश गर्नु भएको आर्थिक प्रतिवेदन पारीत गरेको छ ।

प्रतिवेदन पारित गर्नु पुर्व ४ वटै प्रतिवेदन उपर ५ समुह बनाइ छलफल गरिएको थियो । छलफल पश्चात अर्जुन अर्याल, सुजना जोशी, सरिता नेपाल, कृपा कार्की र शंकर थापाले आ अफ्नो समुहको तर्फबाट सुझाव तथा टिप्पणी पेश गर्नु भएको थियो ।  

जिफन्ट अध्यक्ष बिनोद श्रेष्ठले राष्ट्रिय प्रतिनिधि परिषदको ११ औं बैठकले पारित गरेका कार्यक्रम र बैठकले प्रदान गरेको म्याण्डेडलाई प्रभावकारी कार्यान्वयनमा लैजान सिङ्गो जिफन्ट तयार रहेको र यसबाट ट्रेड युनियन आन्दोलनमा जिफन्टले नयाँ उचाई प्राप्त गर्ने विश्वास व्यक्त गर्नुभयो । 

थप फोटोकोलागि ……….

https://www.facebook.com/media/set/?set=a.122097945446435116&type=3