जिफन्टको अयोजनामा तार्केश्वर नगरपालिकामा कार्यरत सफाइ र सफाइ वर्गिकरण गर्ने श्रमिकहरू सहभागिता मुलक बस्तु स्थीती बिश्लेषण कार्यशाला तथा सफाइ क्षेत्रका श्रमिकहरूको भेला असार २९ गते सम्पन्न भएको छ । 

नेपाल सफाइ कर्मचारी यूनियनका अध्यक्ष मोहन नेपालीको अध्यक्षतामा भएको सो कार्यक्रममा जिफन्ट उपाध्यक्ष विदुर कार्किले कार्यक्रमको उध्देश्यबारे जानकारी गराउनु हुदै यस कार्यक्रमले सफाइ क्षेत्रको समस्या तथा समाधानको लागि मदत मिल्ने बताउनु भयो ।

कार्यक्रमको सहजिकरण गृह श्रमिक युनियनका महासचिव ज्ञानु केसि र शंकर घिमिरेले गर्नु भएको थियो  ।

नेपाल बिजुली, पेण्टर, प्लम्बर तथा निर्माण मजदुर यूनियन क्यूपेक नेपाल कास्की जिल्ला महिला कमिटीको छैठौं अधिवेशन असार २९ गते पोखरामा सम्पन्न भयो । 

क्युपेक केन्द्रिय अध्यक्ष शान्ता बस्नेतको प्रमुख आतिथ्यतामा सम्पन्न सो अधिबेशनले ललिता मगरको अध्यक्षतामा ११ सदस्यीय कयुपेक नेपाल कास्की जिल्ला महिला कमिटि निर्वाचित गरेको छ ।

जिफन्ट गण्डकी प्रदेश अध्यक्ष रूद्र खत्री लगाएत नेताहरूले शुभकामना मन्तब्य राख्नु भएको अधिबेशनमा जिफन्ट गण्डकी  प्रदेश उप सचिब संगिता पाण्डे, क्यूपेक केन्द्रीय सचिब बलादेवी राइ लगाएतका नेताहरूको सहभागिता रहेको थियो । 
 

राष्ट्रिय सौन्दर्यकर्मी युनियन नेपाल नाबुनको कास्की जिल्लाको बगर इकाई कमिटिको असार २६ गते सम्पन्न छैटौं अधिबेशनले अनिता खत्रीको अध्यक्षतामा ११ जनाको इकाइ कमिटी निर्वाचित गरेको छ ।

सुरक्षित र मर्यादित रोजगार, सौन्दर्यकर्मीहरुको अधिकार नाराका साथ कल्पना रानाको अध्यक्षतामा जिफन्ट संसदीय तथा स्थानिय तहका संयोजक मिना गुरूङको प्रमुख अतिथ्यतामा सम्पन्न भएको हो ।

अधिवेशनमा नाबुन केन्द्रिय सदस्य नुर गुरुङ, जिफन्ट गण्डकी प्रदेश महिला कमिटी उपाध्यक्ष दुर्गा केसि लगाएतका अतिथीहरूको सहभागिता रहेको थियो ।

नेपाल ट्रेड युनियन महासंघ जिफन्टले महिला श्रमिकहरूकालागी असार २३ गते देखी सुरू गरेको कानुनी साक्षरता र ट्रेड युनियन शिक्षा सम्बन्धी प्रशिक्षण कार्यक्रम असार २५ गते जिफन्ट नियमित ट्रेड युनियन स्कुल अनामनगरमा सम्पन्न भयो । 
जिफन्ट अध्यक्ष बिनोद श्रेष्ठले असार २३ गते प्रशिक्षण  कार्यक्रमको शुभारम्भ गर्नु हुदै प्रशिक्षणले महिला  श्रमिकहरूको क्षमताअभिबृध्दी र श्रम कानुनका बारेमा  ज्ञान हांसिल गर्न सक्ने बताउनु भयो । 

तिन दिन सम्म चलेको सो प्रशिक्षण कार्यक्रममा जिफन्ट उपाध्यक्ष बिदुर कार्कीले अधारभुत ट्रेड युनियन र नेतृत्व बिकास बिषयमा, सीता लामा ले जेण्डर र जिफन्टको निती बिषयमा, महासचिब लक्ष्मण शर्माले जिफन्टको नीति तथा कार्यक्रम बिषयमा  र भक्ती धिमिरेले श्रम कानुनका बिषयमा प्रशीक्षण दिनु भएको थियो । 

सप्तरी, सिराहा, धनुषा बारा पर्सा लगाएतका जिल्लाका २५ जना महिला सहभागी सो प्रशिक्षण कार्यक्रमको ब्यवस्थापन शंकर धिमरेले गर्नु भएको थियो भने आईएलओका बसन्त थापाले  उक्त कार्यक्रमको महत्वबारे जानकारी गराउनु भएको थियो । 
 

लगातार  ४ दिनदेखि भएको अबिरल वर्षाका कारण कैलाली जिल्लाको विभिन्न स्थानमा डुबानमा परेकाहरूको उद्दारका लागि जिफन्ट सुदुरपश्चिम प्रदेश अध्यक्ष जित मल्लको नेतृत्वमा  १५ जनाको उद्दार टोलीको गठन भएको छ ।  

सो उद्दार टोलीले डुबान क्षेत्रमा उद्दारको कार्य गरेको र अझै जोखिमपुर्ण अबस्था रहेको  स्थानमा उद्दार कार्य जारी रहेको प्रदेश अध्यक्ष जित मल्लले जानकारीमा  दिनु भएको छ 

नेपाल ट्रेड युनियन महासंघ (जिफन्ट)का महासचिव लक्ष्मण शर्माले “इजरायलमा श्रमिक पठाउने कि नपठाउने भन्ने बहसको विषय नै होइन, यति वेला त्यहाँ कुनै पनि हालतमा नेपाली पठाउनु हुँदैन र सरकारले श्रमिक पठाउने प्रक्रिया तत्काल रोक्नुपर्ने बताउनु भएको छ ।

ललितपुरमा गत असार २२ गते आयोजित एक कार्यक्रममा महासचिब शर्माले सो कुरा बताउनु भएको हो । 

नेपाल सरकारले ‘केयर गिभर’ का रूपमा श्रमिक पठाउन अघि बढाएको प्रक्रिया तत्काल रोक्न माग गर्दै जिफन्टले वैदेशिक रोजगार बोर्डको बैठकमा श्रमिकका प्रतिनिधिले इजरायलमा जान नहुने धारणा राखिसकेको महासचिव शर्माले जानकारी दिनु हुदै  “बाँच्न पाउनु पहिलो हक हो।” भएकोमा जोड दिनु भएको थियो ।