नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) द्वारा चैत्र ७ गते १८ औँ स्थापना दिवस बिभिन्न कार्यक्रमको आयोजना गरी देशका बिभिन्न स्थानमा मनाएको छ । 

नाबुन केन्दीय कमिटीको आयोजनामा जिफन्ट सभाहलमा आयोजित शुभकामना आदान प्रदान कार्यक्रममा जिफन्ट अध्यक्ष बिनोद श्रेष्ठले स्थापना दिवसको शुभकामना ब्यक्त गर्नु हुंदै नेपालमा सौन्दर्यकर्मी क्षेत्रको बिकास र बिस्तारको बारेमा चर्चा गर्नुभएको थियो ।

अध्यक्ष श्रेष्ठले नेपालमा सौन्दर्यकर्मी क्षेत्र सामान्य सीपबाट क्रमशः ठुला उद्योगको रूपमा विकसित हुँदै गएको उल्लेख गर्नुहुंदै अबको मुख्य आवश्यकता गुणस्तर अभिवृद्धि ,पेशागत सम्मान ,स्पष्ट पहिचान ,मर्यादित जीवन र सामाजिक सुरक्षाको सुनिश्चितता रहेको बताउनु भयो । 

कार्यक्रममा जिफन्ट महासचिव लक्ष्मण शर्मा र जिफन्ट आवद्ध युनियनहरूको तर्फबाट क्युपेक केन्द्रीय अध्यक्ष शान्ता बस्नेतले शुभकामना मन्तब्य राख्नु भएको थियो । 

त्यसैगरी नाबुन केन्द्रीय र बागमती प्रदेश कमिटीको संयुक्त आयोजनामा तार्केश्वर नगरपालिका स्थित रहेको नबजिबन परोपकार समाजमा रहेका शारीरिक अशक्त र परिवार बिहिन २८ जना जेष्ठ नागरिकलाई दिवा भोजनको समेत ब्यवस्थापन गरेको थियो । 

स्थापना दिवस कै सन्दर्भमा चैत्र ७ गते नाबुन भरतपुर महानगरपालिका, हेटौंडा उपमहानगर पालिका, पोखरा महानगरपालिका र कुस्मा नगर कमिटीको आयोजनामा शुभकामना आदान प्रदान कार्यक्रम सम्पन्न गरेको छ । 

नाबुन विराटनगर महानगर कमिटि, ईटहरी उपमहानगर कमिटी, त्रियुगा नगर कमिटी, दुहबी नगर कमिटीले रक्तदान कार्यक्रम, ईनरुवा नगर कमिटीले मोरङ जिल्लामा निशुल्क स्टेशनरी बितरण तथा जनता माध्यमिक विद्यालयमा अध्ययनरत जेहेन्दार विद्यार्थीलाई छात्रवृत्ति प्रदान गरी स्थापना दिवस मनाईएको हो ।

नाबुन मधेश प्रदेश कमिटी र बिरगंज उपमहानगर कमिटीको संयुक्त आयोजनामा निशुल्क स्वास्थ्य शिविर, लुम्बीनी प्रदेशको सिद्धार्थनगर नगर कमिटीले बालगृहका बालबालिकाहरूलाई निशुल्क खाजा बितरण गरेर १८ औँ स्थापना दिवस मनाईएको नाबुन केन्द्रीय अध्यक्ष सुजना जोशीले जानकारी दिनु भएको हो ।

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी यूनियन नेपाल (नाबुन ) कागेश्वरी मनहरा पालिका कमिटिको चैत्र १८ गते गोठाटारमा सम्पन्न दोश्रो अधिवेशनले सुनिता खड्का लम्सालको अध्यक्षतामा १३ सदस्यिय पालिका कमिटी निर्वाचित गरेको छ ।

पालिका अध्यक्ष सरिता शिवकोटीको अध्यक्षतामा सम्पन्न अधिबेशनको उद्धघाटन गर्नु हुंदै नावुन केन्द्रिय अध्यक्ष सुजना जोशीले आफ्नो पेशागत सुरक्षा र हक हितका लागि संगठन बलियो बनाउनु पर्ने र संगठन बलियो बनाउन सदस्यता बिस्तार र सदस्यहरूको बैचारीक क्षमतालाइ बिकास गर्नु पर्ने बताउनु भयो ।

अध्यक्ष जोशीले योगदानमा आधारित सामाजिक सुरक्षा, पेशालाई सम्मानित र मर्यादित बनाउन सबै संग हातेमालो गर्दै अगाडी बढनुपर्नेमा जोड दिंदै अधिवेशनबाट निर्वाचित कमिटीलाइ पद तथा गोपनियताको शपथ ग्रहण समेत गराउनुभएको थियो।

अधिवेशनमा नाबुन केन्द्रीय उपाध्यक्ष मिना गुरुङ्ग डंगोल, केन्द्रीय सदस्य ईश्वरी क्षेत्री, बाग्मती प्रदेश आर्थिक सचिव सोलिना लामा, प्रदेश सदस्य कमला चापांगाई, जानकी श्रेष्ठ, जिफण्ट कागेश्वरी मनहरा पालिका अध्यक्ष नबिन कार्की लगायतका अतिथीहरूको उपस्थित रहेको थियो  । 
 

नेपाल ट्रेड युनियन महासंघ (जिफन्ट)आवद्ध राष्ट्रिय सौन्दर्यकर्मी युनियन नेपाल (नाबुन) कागेश्वरी मनहरा पालिकाको आयोजनामा चैत्र २६ गते स्किन केयर र मोल रिमुभ बिषयमा दक्षता अभिवृद्धि तालिम संचालन गरेको छ ।

तालिम कार्यक्रमको शुभारम्भ गर्नु हुंदै नाबुन केन्द्रीय अध्यक्ष सुजना जोशीले नाबुन सदस्यहरूको दक्षता अभिबृद्धिकालागी संगठनले शिप बिकास तालिमहरू संचालन गर्दै आइरहेको बताउनु भएको छ ।

नाबुन कागेश्वरी मनहरा पालिका अध्यक्ष सुनिता खड्का लम्सालको अध्यक्षतामा भएको लालिम कार्यक्रममा नाबुन बागमती प्रदेश कमिटी अध्यक्ष करूणा पुरी, सचिव सरिता शिवाकोटी लगायतले तालिमको उद्धेश्य र महत्वको बारेमा प्रकाश पार्नु भएको थियो भने स्किन कायर र मोल रिमुभ बिषयमा
रिना ओझाले तालिम दिनु भएको थियो ।

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन)को चैत्र २८ गते सम्पन्न बुटवल उपमहानगरकमिटीको चौथो अधिवेशनले शान्ता खत्री जिसीको अध्यक्षतामा १३ सदस्यिय कमिटी निर्वाचित गरेको छ ।
त्यसैगरी नाबुनले चैत्र २९ गते रूपन्देही जिल्लाको भैरहवामा स्किन केयर र मोल रिमुभ तालिम सम्पन्न गरेको  छ। 

तालिम कार्यक्रमको शुभारम्भ गर्नु हुंदै जिफण्ट राष्ट्रिय कमिटी सदस्य रन्जु भट्टराईले संगठनमा आवद्ध सदस्यहरूको सिप बिकास तालिमले सदस्यहरूको दक्षता अभिवृद्धि हुनुका साथै संगठन बिस्तारमा पनि महत्वपुर्ण सहयोग पुग्ने बताउनु भयो ।

नाबुन केन्द्रीय अध्यक्ष सुजना जोशीले सौन्दर्यकर्मीहरूको दक्षता अभिबृद्धीकालागि नाबुनले सहयोग गर्दै आइरहेको बताउनु हुंदै अझ यस्को बिस्तार र बिकासकालागी संगठनलाइ बलियो बनाउनु पर्नेमा जोड दिनु भएको थियो । 

स्किन एस्थेटिक रिना ओझाले छालाको स्याहार सम्भार, कस्मेटिक प्रोडक्ट प्रयोग गर्ने तरिका र मोल रिमुभ बिषयमा तालिम दिनु भएको थियो भने नावुन सुदूरपश्चिम सहईन्चार्ज झुम अधिकारीले सिटिईभिटी तह १ र तह २ को सिप परिक्षण सम्बन्धित अभिमुखीकरण समेत सञ्चालन गरेको थियो ।

नेपाल ट्रेड युनियन महासंघ (जिफन्ट) आवद्ध रास्ट्रिय सैान्दर्यकर्मी युनियन नेपाल (नाबुन) बिराटनगर महानगर कमिटीले कोशी प्रदेश स्तरीय निःशुल्क वाटर प्रूफमेकअप, ड्रगप्रूफ मोडल मेक अप र हलिउड वेप्स हेयर स्टाईल तालिम कार्यक्रम जेठ १६ गते आयोजना गरेको छ ।

नाबुन केन्द्रिय महासचिव ममता प्रधान, प्रतिनिधि परिषद उपप्रमुख गङ्गा तामाङ लगायतका अतिथिहरूको उपस्थीती रहेको तालिम कार्यक्रममा  १०० जना भन्दा बढी नाबुन सदस्यहरूको उपस्थीती रहेको थियो भने तालिम कार्यक्रमको अध्यक्षता महानगर कमिटी अध्यक्ष बसन्ती गुरुङले गर्नु भएको थियो ।

नेपाल ट्रेड युनियन महासंघ (जिफन्ट) आवद्ध रास्ट्रिय सैान्दर्यकर्मी युनियन नेपाल (नाबुन) दुहबी नगर कमिटीले जेठ १९ गते निःशुल्क हाइ प्रोफायल वाटरप्रुफ बा्ईडल मेकप तथा हेयर ब्लो डा्यर सेटिङ बिषयमा तालिम सम्पन्न गरेको हो ।

नाबुन केन्द्रिय महासचिव ममता प्रधानले यस क्षेत्रमा कार्यरत सौन्दर्यकर्मीहरू स्वास्थ्यका हिसाबले जोखीम रहेको भन्नु हुंदै ब्यवसायजन्य सुरक्षाको बिषयमा सजग र सचेत हुनु अनुरोध गर्दै सौन्दर्यकर्मी क्षेत्रका स्वरोजगार श्रमिकहरूलाइ योगदानमा आधारित सामाजिक सुरक्षामा अवद्ध हुन आब्हान गर्नु भएको थियो । 

नगर कमिटी अध्यक्ष अमृता चौधरीको अध्यक्षतामा नाबुन कोशी प्रदेश अध्यक्ष कला डाँगी , प्रदेश सचिव अमिता पोख्रेल र महानगर उपाध्यक्ष सरिता राईले शसिअभिबृद्धी बिषयमा मन्तब्य राख्नु भएको तालिम कार्यक्रमको सहजिकरण बसन्ती गुरुङ र शीतल राय कोइरालाले गर्नु भएको थियो ।