नेपाल ट्रेड युनियन महासंघ (जिफन्ट) आवद्ध रास्ट्रिय सैान्दर्यकर्मी युनियन नेपाल (नाबुन)चन्द्रागिरी नगर कमिटिले जेठ २२ गते निःशुल्क Drag proof makeup बिषयमा तालिम सम्पन्न गरेको छ । 

तालिम कार्यक्रममा नाबुन केन्द्रिय अध्यक्ष सुजना जोशीले नाबुन सदस्यहरूको ज्ञान, सिप तथा नेतृत्व बिकासका लागि युनियनले कार्यक्रम नियमित रूपमा संचालन गर्दै आइरहेको भन्नु हुंदै यस्ता कार्यक्रमले सदस्यहरू बिच एकता सहकार्य र संगठाप्रतिको प्रतिबद्धता अझ सुदृढ बनाउने बिस्वास ब्यक्त गर्नु भयो ।

नाबुन  बाग्मती प्रदेश अध्यक्ष करूणा पुरी र करूणा ओलीले Drag proof makeup बिषयमा तालिम दिनु भएको कार्यक्रमको अध्यक्षता नाबुन चन्द्रागिरी नगर कमिटी अध्यक्ष पुनम खड्का क्षेत्रीले र संचालन उपाध्यक्ष उषा कार्कीले गर्नु भएको थियो ।
 

नेपाल ट्रेड युनिनयन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) तारकेश्वर नगर कमिटीले असार ५ गते दक्षता अभिवृद्धि कार्यक्रम अन्तर्गत ड्रयाग प्रुफ मेकअपको तालिम आयोजना गरेको छ । 

नावुन तारकेश्वर नगरकमिटी अध्यक्ष ईन्दिरा रायमाझीको अध्यक्षतामा सम्पन्न तालिम कार्यक्रममा नावुन केन्द्रीय अध्यक्ष सुजना जोशीले सौन्दर्यकर्मी पेशामा संलग्न सबै पेशाकर्मीहरूलाइ एउटै छातामुनी संगठित गर्दै पेशागत हकहितका निमित्त नाबुनले आवाज बुलन्द गर्नुका साथै पेशागत क्षमता अभिवृद्धिका लागी संगठनले भुमिका खेल्दै अइरहेको बताउनु भएको छ ।

ड्रयाग प्रुफ मेकअपको तालिम संचालन नाबुन बाग्मती प्रदेश अध्यक्ष करूणा पुरी र करूणा ओलीले गर्नु भएको थियो । 
 

नेपाल ट्रेड युनियन महासंघ जिफन्ट आवद्ध राष्ट्रिय सौन्दर्यकर्मी युनियन नेपाल (नाबुन) चन्द्रागिरी नगर कमिटीद्वारा असार १ गते दक्षता अभिवृद्धि कार्यक्रम सम्पन्न गरेको छ ।

कार्यक्रममा नाबुन केन्द्रीय अध्यक्ष सुजना जोशीले सौन्दर्यकर्मी क्षेत्रमा संगठनको महत्व र पेशागत क्षमता अभिवृद्धिकालागि नाबुनको भुमिका बारेमा प्रकाश पार्नु भएको थियो । 

नाबुन चन्द्रागिरी नगर अध्यक्ष पुनम खड्का क्षेत्रीको अध्यक्षतामा भएको कार्यक्रममा दक्षता अभिवृद्धि कार्यक्रम अन्तरगत स्किन सम्बन्धी कार्यक्रम संचालन उपाध्यक्ष उषा खड्काले गर्नु भएको थियो ।

नाबुन केन्द्रीय सदस्य ईश्वरी क्षेत्री लगायतका अतिथीहरूको उपस्थीती  रहेको कार्यक्रममा सहभागिहरूलाइ प्रमाणपत्र वितरण तथा सदस्यता नवीकरण र बितरण अभियान पनि संचालन गरेको थियो  ।
 

नेपाल ट्रेड युनिनयन महासंघ (जिफन्ट) आवद्ध राष्ट्रिय सौन्दर्यकर्मी युनियन, नेपाल (नाबुन) कागेश्वरी मनोहरा नगरकमिटीको आयोजनामा असार ८ गते दक्षता अभिवृद्धि कार्यक्रम सम्पन्न गरेको छ ।

नाबुन केन्द्रीय अध्यक्ष सुजना जोशीको उपस्थीतीमा भएको कार्यक्रममा ड्रयाग प्रुफ मेकअप बिषयमा नाबुन बाग्मती प्रदेश अध्यक्ष करूणा पुरी र प्रशिक्षक करूणा ओलीले तालिम दिनु भएको थियो ।

नगर अध्यक्ष सुनिता खड्का लम्सालको अध्यक्षतामा सम्पन्न तालिम कार्यक्रममा बाग्मती प्रदेश सचिव सरिता शिवाकोटी, आर्थिक सचिव सोलिना लामा लगायतका अतिथिहरूको उपस्थीती रहेको थियो । 
 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) को असार २६ गते सम्पन्न बराहक्षेत्र नगर भेलाले आयुसा निरौलाको अध्यक्षतामा ९ सदस्यीय नगर कमिटी गठन गरेको छ। 

नाबुनकी केन्द्रीय महासचिव ममता प्रधानले नवगठित कमिटीलाई सक्रिय, अनुशासित र प्रभावकारी रूपमा सञ्चालन गर्न शुभकामना ब्यक्त गर्दै सौन्दर्यकर्मीहरूको पेशागत हकहित, सम्मान र मर्यादाको संरक्षणका लागि नाबुन निरन्तर क्रियाशील रहेको बताउँदै सौन्दर्य व्यवसायलाई केवल पेशागत सीमाभित्र नराखी सामाजिक उत्तरदायित्वसँग पनि जोड्नुपर्ने धारणा राख्नुभयो। 

नाबुन कोशी प्रदेश अध्यक्ष कला डाँगीले नव निर्वाचित कमिटिलाइ शुभकामना मन्तब्य राख्नु भएको भेलाको अध्यक्षता निशा पौडेलले र संचालन कोशी प्रदेश सचिब अमिता पोख्रेलले गर्नु भएको थियो । 
 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल, (नाबुन) देवदह नगर कमिटीको आयोजनामा असार २७ गते एक दिने मेकअप सम्बन्धी शिप अभिबृद्धी कार्यक्रम सम्पन्न भएको छ।

कार्यक्रममा देवदह नगरपालिकाका उपप्रमुख विद्यालक्ष्मी गुरुङले सौन्दर्य व्यवसाय पछिल्लो समय महिला आत्मनिर्भरताको एक बलियो र सम्मानित माध्यम बनेको बताउनु हुंदै महिलाहरू आर्थिक रूपमा सबल नभएसम्म समाजको वास्तविक रूपान्तरण सम्भव नहुने जिकिर गर्दै देवदह नगरपालिकाले महिलाहरूको सीप विकास र उद्यमशीलतालाई सधैं प्राथमिकतामा राखेको र आगामी दिनमा पनि यस्ता व्यावसायिक तालिमहरूका लागि आवश्यक सहयोग र सहकार्य जारी राख्ने प्रतिबद्धता व्यक्त गर्नुभयो।

कार्यक्रममा जिफन्ट लुम्बीनी प्रदेश अध्यक्ष हुमकान्त काफ्ले, राष्ट्रिय सौन्दर्यकर्मी युनियन नेपालका केन्द्रीय सदस्य पवि खनाल, सिद्धार्थनगर नगर कमिटी सल्लाहकार एवं वरिष्ठ ब्युटिसियन उषा किरण गुरुङ र बुटवल नगर कमिटीका अध्यक्ष शान्ता खत्री लगायतले मन्तब्य राख्नु भएको थियो । 

नाबुन बागमती प्रदेश अध्यक्ष तथा मेकअप आर्टिस्ट करुणा पुरीले आधुनिक मेकअप प्रविधिका बारेमा प्रशिक्षण दिनुभएको कार्यक्रममा देवदह, बुटवल र भैरहवा क्षेत्रका ६५ जना सौन्दर्यकर्मीहरको सहभागिता रहेको थियो ।

देवदह नगर कमिटीका अध्यक्ष जस्मिन गुरुङको अध्यक्षतामा उपाध्यक्ष विद्या थापाले स्वागत गर्नु भएको कार्यक्रमको सञ्चालन सचिव बन्दना भुसाल भट्टराईले गर्नुभएको थियो।