नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल नाबुन बाग्मती प्रदेश कमिटीद्वारा पुस ८ गते ललितपुर जिल्लाको गोदाबरी नगरपालिकामा  सौन्दर्यकर्मीहरूको भेला सम्पन्न गरेको छ ।

नाबुन बाग्मती प्रदेश अध्यक्ष करूणा पुरीको अध्यक्षता र केन्द्रीय अध्यक्ष सुजना जोशीको प्रमुख आतिथ्यमा भएको भेलाले गंगा बिष्टको अध्यक्षतामा ७ सदस्यीय कमिटी गठन गरेको छ।
 

नेपाल ट्रेड युनियन महासंघ जिफन्ट आवद्ध राष्ट्रिय सौन्दर्यकर्मी युनियन, नेपाल (नाबुन) द्वारा पुस ६ गते देखी जिफन्ट स्कुल अनामनगरमा प्रशिक्षण तथा योजना कार्यशाला आयोजना गरेको छ ।

प्रशिक्षण तथा योजना कार्यशाला शुभारम्भ गर्नु हुंदै जिफन्ट अध्यक्ष बिनोद श्रेष्ठले नेपालको बर्तमान ट्रेड युनियन आन्दोलनको अवस्था र आगामी कार्यभारको बारेमा प्रकाश पार्नु हुंदै युनियनले आगामी कामको योजना बनाइ रहंदा बदलिएको परीवेशलाइ ध्यान दिंदै युनियनको कार्यशैलीलाइ प्रबिधी मैत्री कसरी बनाउन सकिन्छ भन्ने कुरालाइ ध्यान दिनु पर्ने बताउनु भयो । 

हिजो र आज २ दिन सम्म संचालन भएको प्रशिक्षण तथा योजना कार्यशालामा ट्रेड युनियन आधारभुत ज्ञान र संगठन निर्माण कला बिषयमा जिफन्ट उपाध्यक्ष तथा शिक्षा बिभाग प्रमुख बिदुर कार्कीले, नेतृत्व निर्माण र परीचालन बिषयमा महासचिब लक्ष्मण शर्माले प्रशिक्षण दिनु भएको थियो ।
 

नेपाल ट्रेड युनियन महासंघ (जिफन्ट)आवद्ध राष्ट्रिय सौन्दर्यकर्मी यूनियन नेपाल (नाबुन) तारकेश्वर नगर कमिटिको पुस १७ गते सम्पन्न तेश्रो अधिवेशनले ईन्दिरा रायमाझीको अध्यक्षतामा ११ सदस्यीय नगर कमिटी निर्वाचित गरेको छ ।

नावुन केन्द्रिय अध्यक्ष सुजना जोशीले अधिवेशन उद्धघाटन गर्नु हुंदै सौन्दर्यकर्मीहरू एकजुट भएर आफ्नो पेशागत सुरक्षा र हक हितका निमित्त लाग्नु पर्ने बताउनु हुंदै संगठनमा जती धेरै सदस्य बिस्तार गर्न सक्यो संगठन त्यती नै बलियो हुने भन्दै  सदस्यता बिस्तार अभियानमा लाग्न जोड दिनु भएको थियो ।

अधिवेशनमा नावुन केन्द्रिय उपाध्यक्ष मिना गुरुङ डङ्गोल, केन्द्रीय सदस्य ईश्वरी क्षेत्री, र जिफण्ट तारकेश्वर पालिका अध्यक्ष कृष्णलाल डङ्गोल लगायतका अतिथीहरूको उपस्थित रहेको थियो । 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) टोखा पालिका कमिटीको पुस २१ गते सम्पन्न भेलाले रूपा बस्नेतको अध्यक्षतामा ९ सदस्यीय कमिटी पुनरगठन गरेको छ।

भेलाका प्रमुख अतिथी नाबुन केन्द्रीय अध्यक्ष सुजना जोशीले सौन्दर्यकर्मीहरूको पेशागत सुरक्षा तथा हक हितकालागी सौन्दर्यकर्मीहरू संगठीत हुनु पर्नेमा जोड दिनु भएको थियो । 

नावुन केन्द्रीय उपाध्यक्ष मिना गुरुङ डङ्गोल, जिफण्ट टोखा नगर कमिटी अध्यक्ष लिला बहादुर बस्नेत, लागयतका अतिथीहरूले पुनरगठीत कमिटीलाइ बधाइ तथा शुभकामना दिनु भएको थियो । 
 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) नागार्जुन पालिका कमिटीको पुस २२ गते सम्पन्न भेलाले बिनिशा राजबाहकको अध्यक्षतामा ११ सदस्यीय कमिटी गठन गरेको छ।

भेलाका प्रमुख अतिथी नाबुन केन्द्रीय अध्यक्ष सुजना जोशीले सौन्दर्यकर्मीहरूको पेशागत सुरक्षा तथा हक हितकालागी सौन्दर्यकर्मीहरू संगठीत हुनु पर्नेमा जोड दिनु हुंदै सौन्दर्यकर्मी हरूको भविष्य सुनिस्चीत गर्न योगदानमा आधरित सामाजिक सुरक्षामा सुचिकृत हुनु पर्ने बताउनु भएको थियो । 

नावुन बागमती प्रदेश अध्यक्ष करूणा पुरी,  आर्थिक सचिव सोलिना लामा लागयतका अतिथीहरूले नवगठीत कमिटीलाइ बधाइ तथा शुभकामना दिनु भएको थियो । 
 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) गोकर्णेश्वर पालिका कमिटीको पुस २८ गते सम्पन्न तेस्रो अधिवेशनले आष्मा धिसिङ्गको अध्यक्षतामा ९ सदस्यीय कमिटी गठन गरेको छ।

भेलाका प्रमुख अतिथी नाबुन केन्द्रीय अध्यक्ष सुजना जोशीले सौन्दर्यकर्मीहरूको पेशागत सुरक्षा तथा हक हितकालागी सौन्दर्यकर्मीहरू संगठीत हुनु पर्नेमा जोड दिनुहुंदै यस क्षेत्रमा भएको प्रबिधीको बिकास संगै सौन्दर्यकर्मीहरूको पनि दक्षता अभिबृद्धिकालागि युनियनले पहल गर्ने बताउनु भएको थियो । 

नावुन केन्द्रीय बागमती प्रदेश सचिब सरीता सिवाकोटीले नवगठीत कमिटिलाइ बधाइ तथा शुभकामना दिनुहुदै श्रमिकहरूको शक्ती भनेकै संगठन भएको हुनाले योजनावद्ध ढंगले संगठन परीचालन आवश्यक रहेको बताउनु भएको थियो ।