नेपाल ट्रेड युनियन महासंघ (जिफ़ण्ट) लुम्बिनी प्रदेश अन्तरगत रूपन्देही जिल्लाको सिद्धार्थ नगर र नवलपरासी जिल्लाको बर्दघाट नगर पालिकाको अधिवेशन सम्पन्न भएको छ ।

बिजय कार्कीको अध्यक्षतामा लुम्बिनी प्रदेश अध्यक्ष हुमाकान्त काफ्लेको प्रमुख अतिथ्यतामा चैत्र ९ गते सम्पन्न सिद्धार्थ नगरपालिकाको अधिवेशनले आनन्द प्रसाद ढ़ुङ्गानाको अध्यक्षतामा ७ सदस्यीय पालिका कमिटी चयन गरेको छ ।

त्यसैगरी जिफन्ट राष्ट्रिय कमिटी सदस्य रन्जु भट्टाराईको प्रमुख अतिथ्यतामा चैत्र १० गते सम्पन्न बर्दघाट पालिकाको अधिवेशनले दिलीप कुमार चौधरीको अध्यक्षतामा ७ सदस्यीय कमिटी निर्वाचित गरेको हो । 
 

नेपाल यातायात स्वतन्त्र मजदुर संगठन धनुषा जिल्ला कमिटीको चैत्र १० गते सम्पन्न सातौ जिल्ला अधिवेशनले धनञ्जय मिश्रको अध्यक्षतामा १३ सदस्यीय जिल्ला कमिटी निर्वाचित गरेको छ ।

जिफन्ट मधेस प्रदेश अध्यक्ष कमलेश झाको प्रमुख अतिथ्यमा सम्पन्न सो अधिवेशनमा संगठनका केन्द्रीय महासचिव केशब थापा निरू, जिफन्ट बरिष्ठ युनियनकर्मी संजाल सदस्य रामनरेश सिंह लगायतका अतिथीहरूले अधिवेशन सफलताको शुभकामना मन्तब्य राख्नु भएको थियो । 
 

जिफन्ट आवद्ध बजार व्यवस्थापन तथा बिक्री कर्मचारी संघ (ओम्स) नेपाल गण्डकी प्रदेश कमिटीको चैत्र ९ गते सम्पन्न अधिवेशनले आह्वान सुवेदीको अध्यक्षतामा १६ सदस्यीय कमिटि निर्वाचित गरेको छ ।

ओम्स नेपाल केन्द्रीय अध्यक्ष सूर्य पराजुलीको प्रमुख आतिथ्यतामा सम्पन्न सो अधिवेशनमा जिफन्ट गण्डकी प्रदेश अध्यक्ष रुद्र खत्री, ओम्स नेपालका वरिष्ठ केन्द्रीय उपाध्यक्ष वसन्तराज सिग्देल लगाएतका नेताहरूको उपस्थिति रहेको थियो । 
 

जिफन्ट आबद्ध नेपाल चिया कफि श्रमिक युनियनले चैत्र १० गते, झापा जिल्लाको हडिया चिया बगान इकाई कमिटीको विस्तारीत भेला युनियनका अध्यक्ष सन्तकुमार राईको प्रमुख अतिथ्यतामा सम्पन्न गरेको छ । 

जिफन्ट कोशी प्रदेश उपसचिव हरी अधिकारी सहभागी सो भेलाले सनातन राजवंशीको अध्यक्षतामा ९ सदस्य कमिटी गठन गरेको छ ।

आगामी साउन १ गतेदेखि लागु हुने गरी श्रमिकको न्यूनतम पारिश्रमिक बढाउन न्यूनतम पारिश्रमिक निर्धारण समितिले गृहकार्य सुरु गरेको चैत्र ८ गते श्रम तथा व्यवसायजन्य सुरक्षा विभागद्धारा आयोजित पत्रकार सम्मेलनमार्फत जानकारी गराएको हो । 

पत्रकार सम्मेलनमा विभागका महानिर्देशक कमलप्रसाद भट्टराईले अघिल्लो पटक वृद्धि गरिएको पारिश्रमिक अझै कतिपय प्रतिष्ठानमा कार्यान्वयन नभएको पाइएकाले त्यसको कार्यान्वयनका लागि सबै रोजगारदाता प्रतिष्ठानलाई जिम्मेवार बन्न आग्रह समेत गर्नुभयो

आगामी वर्षदेखि लागु हुने नयाँ पारिश्रमिक अहिलेको महँगीलगायत सबै कुरालाई ध्यानमा राखेर निर्धारण गरिने महानिर्देशक भट्टराईले जानकारी दिनुभएको छ ।

पत्रकार सम्मेलनमा मर्यादित श्रम सम्बन्ध एवं असल श्रम अभ्यासको सुनिश्चित गर्ने विषयमा अधिकांश रोजगारदाता प्रतिष्ठानले अझै धेरै काम गर्नुपर्ने बताउनु हुंदै महानिर्देशक भट्टराईले मर्यादित श्रमका लागि श्रमसम्बन्धी अन्तर्राष्ट्रिय अभिसन्धिको अनुमोदनका लागि कार्यायोजना बनाई प्रतिष्ठान र श्रमिकलाई अनौपचारीकरण गर्दै लैजानका लागि पूर्वतयारीका काम भएको पनि जानकारी दिनुभयो ।

दर्ता भएर सञ्चालन भएका रोजगारदाता प्रतिष्ठानलाई अब ऐनविपरीत सञ्चालन गर्न छुट नहुने र ती व्यवसायी प्रतिष्ठानलाई कानुन अनुसार कारबाही हुने उहाँको भनाइ छ ।

आन्तरिक रोजगारी प्रवर्धन एवं श्रम प्रशासनको सुदृढीकरणमा श्रम, रोजगार तथा सामाजिक सुरक्षा मन्त्रालयले गरेको प्रतिबद्धतालाई कार्यान्वयनमा लैजाने विषयमा विभागले काम अगाडि बढाएको पनि सोही पत्रकार सम्मेलनमार्फत जानकारी दिइयो ।

पत्रकार सम्मेलनमा विभागले न्यूनतम पारिश्रमिकको कार्यान्वयन, सामाजिक सुरक्षा कोषमा सूचीकरण, बालश्रम एवं बाध्यकारी श्रमको निवारण, श्रमिकको व्यवसायजन्य सुरक्षा र स्वास्थ्यको सुनिश्चितताका विषयमा पनि काम गरिरहेको जानकारी दिइयो ।  
 

नेपाल ट्रेड युनियन महासंघ जिफन्ट आवद्ध जुट, गार्मेन्ट, कार्पेट, टेक्सटायल मजदुर युनियन, नेपाल (जुगकाटेमयु) अन्तरगत काभ्रे जिल्ला सिलाइ कमिटीको भेला चैत्र ९ गते सम्पन्न भएको छ ।

जिफन्ट राष्ट्रीय  कमिटी सदस्य फुलमाया लामाको प्रमुख आतिथ्यमा सम्पन्न सो भेलामा भएको जिफन्ट बाग्मती प्रदेश उप-सचिब शान्ति कार्की सचिवालय सदस्य सालिकराम सुवेदी र दिवाकर पोख्रेल लगाएतको उपस्थिति रहेको थियो ।