नेपाल ट्रेड युनियन महासंघ जिफन्ट आबद्ध युनियन व्हिन, बोटलर्स नेपाल इकाई कमिटी बालाजुको दसौँ अधिवेशन मंसिर २६ गते जिफन्ट बागमति प्रदेश अध्यक्ष रामहरि नेपालको प्रमुख आतिथ्यमा  सम्पन्न भएको छ । 

अधिवेशनले बसन्त रेग्मीको अध्यक्षतामा ११ सदस्यीय कमिटी चयन गरेको छ । निर्वाचित कमिटीलाई व्हिन उपमहासचिव अर्जुन चौलागाईले पद तथा गोपनीयताको शपथ ग्रहण गराउनु भएको थियो ।
 

नेपाल ट्रेड युनियन महासंघ जिफन्टले श्रम कानुनको कार्यान्वयनमा देखिएका अप्ठेरोलाई संशोधन गर्दै अगाडी बढ्नु पर्ने र श्रम क्षेत्रमा रहेका सबै खालका श्रमिकहरूको लागि एउटै श्रम कानुन हुनु पर्ने जिफन्टको मान्यता रहेको अध्यक्ष बिनोद श्रेष्ठले बताउनु भएको छ । नेपालका प्रमुख ट्रेड यूनियनहरूको पनि यही धारणा रहेको हुनाले जिफन्ट लगायत सबै यूनियन मिलेर श्रम कानुन संशोधनको प्रक्रियामा योजनाबद्ध रूपमा अगाडी बढ्ने कुरा बताउनु भयो ।

मंसिर २६ गते जिफन्ट नियमित ट्रेड युनियन स्कुलमा श्रम कानुनमा सुधारको लागि 'ग्याप एनालाइसिस' अध्ययन प्रतिवेदनमा भएको छलफलमा अध्यक्ष श्रेष्ठले सो कुरा बताउनु भएको हो । 

आइटियुसी एसिया प्रशान्त क्षेत्रका मानव तथा ट्रेड युनियन अधिकार प्रमुख मोनिना वाङ्गले आईएलओ अभिसन्धी ९८ र सो सँग सम्बन्धित अभिसन्धीहरूको बारेमा बताउनु हुँदै नेपालको श्रम कानुनलाई श्रममैत्री र प्रभावकारी बनाउन आइटियुसी नेपालको ट्रेड युनियनहरूसँग सहकार्य गर्ने बताउनु भयो ।

श्रम ऐन २०७४ तथा ट्रेड युनियन ऐन २०४९ र कार्यान्वयनको चुनौती सम्बन्धमा गरेको अध्ययन प्रतिवेदन अधिवक्ता भक्ती धिमिरेले गर्नु प्रस्तुत गर्नु भएको प्रतिवेदन माथि सहभागीहरूले जिज्ञासा तथा सुझाव राख्नु भएको थियो ।
आबद्ध युनियनका नेतृत्व, अन्टुफ उपाध्यक्ष धनबहादुर गुरूङ र सार्टुकका प्रतिनिधि सहभागी रहनु भएको सो कार्यक्रमको सहजीकरण महासचिब लक्ष्मण शर्माले गर्नु भएको थियो ।

 कार्यक्रमको थप फोटोकालागी लिंकमा क्लीक गर्नुहोस

https://www.facebook.com/media/set/?set=a.122131472612435116&type=3

नेपाल ट्रेड युनियन महासंघ जिफन्ट आबद्ध युनियन क्यूपेक -नेपालको केन्द्रीय कमिटीको ५५औं बैठक अध्यक्ष सान्ता बस्नेतको अध्यक्षतामा मंसिर २५ गते बसेको छ । 

जिफन्ट महासचिव लक्ष्मण शर्माको उपस्थितिमा सम्पन्न सो बैठकमा आगामी कामको प्रस्ताव, आय–व्यय विवरण, संगठन सुदृढीकरण र सदस्य बिस्तार अभियान लगायतका विषयमा केन्द्रित रहेको थियो ।

जिफन्टको कायाकल्पका लागि अभियान–२०८१मा १३ हजार नयाँ सदस्य बिस्तार गर्नका लागि सातवटै प्रदेशमा प्रभावकारी रूपमा अभियान संचालन गरिने पनि बैठकबाट निर्णय गरिएको थियो । समय सापेक्ष प्रविधिको प्रयोग गर्दै अनलाइन माध्यमबाट भर्चुअल बैठक भएको थियो ।

नेपाल यातायात स्वतन्त्र मजदुर संगठन एयरपोर्ट ट्याक्सी इकाई कमिटीको मंसिर २५ गते सम्पन्न पाँचौँ अधिवेशनले दुर्योधन बस्नेतको अध्यक्षतामा १७ सदस्य कमिटी निर्वाचित गरेको छ ।

केन्द्रीय अध्यक्ष भीमज्वाला राईलेको प्रमुख आतिथ्यमा सम्पन्न सो अधिवेशनमा ट्याक्सीमा छुटेका नगद र जिन्सी सामानहरु इमानदारीपूर्वक यात्रुलाई फिर्ता गर्ने ११ जना चालकहरुलाई सम्मान गरिएको थियो । 

दिलबहादुर शाक्यको अध्यक्षतामा भएको कार्यक्रमको सञ्चालन दुर्योधन बस्नेत र स्वागत मन्तव्य रामकृष्ण लामीछानेले गरेको थियो  । 
 

"श्रमको सम्मान र मर्यादित काम, सामाजिक सुरक्षा कार्यान्वयन हाम्रो अभियान" भन्ने मूल नाराका साथ मंसिर २२ गते नेपालगन्जमा नेपाल यातायात स्वतन्त्र मजदुर संगठन ट्याङकर इकाई कमिटीको सातौँ अधिवेशन जिफन्ट राष्ट्रिय कमिटी सदस्य पूर्ण केसीको प्रमुख आतिथ्यमा सम्पन्न अधिवेशनले विष्णु बोहराको अध्यक्षतामा १४ सदस्यीय कार्यसमिति चयन गरेको छ ।

इकाई कमिटी अध्यक्ष कविराम पुनको अध्यक्षता भएको अधिवेशनको उद्घाटन सत्रमा संगठनका केन्द्रीय सल्लाकार ध्यान बहादुर राई, उपमहासचिव तथा सुदूरपश्चिम प्रदेश ईन्चार्ज खगेन्द्र बहादुर वली, सुदूरपश्चिम प्रदेश अध्यक्ष ललीत चन्द, लुम्बिनी प्रदेश सचिव हुम बहादुर क्षेत्री, लुम्बिनी प्रदेश सदस्य तथा बाँके जिल्ला ईन्चार्ज सुमन गिरी श्रेष्ठ लगायत सम्बन्धित कार्यालय प्रमुख, पेट्रोलियम डिलर्स एसोसिएसनका अध्यक्ष, मध्यपश्चिम पेट्रोलियम ढुवानीमा अध्यक्ष, नेपालगन्ज श्रम तथा रोजगार कार्यालयका प्रतिनिधी, सामाजिक सुरक्षा कोष नेपालगन्जका प्रमुख साथै स्थानीय जनप्रतिनिधि र पत्रकारहरूको सहभागिता रहेको थियो । 

नेपाल यातायात स्वतन्त्र मजदुर संगठन बुढानिलकण्ठ माइक्रो बस इकाई कमिटीले संगठनका सदस्य चालक सोम बहादुर सुनारलाई स्वास्थ्य उपचारका लागि नगद रु. २७०००/- राहत दिने भएको छ ।

इकाई कमिटी अध्यक्ष मनोज बहादुर राउतको अध्यक्षतामा प्रदेश अध्यक्ष कमरेड शंकर थापा, सचिव शिव कुमार श्रेष्ठ, सह सचिव गणेश बहादुर श्रेष्ठ र कोषाध्यक्ष डाक बहादुर राउत सहितको उपस्थितिमा मंसिर २२ गते बसेको बैठकले सो निर्णय गरेको थियो ।