नेपाल ट्रेड युनियन महासंघ (जिफन्ट) आबद्ध  राष्ट्रिय सौन्दर्यकर्मी युनियन नेपाल (नाबुन) विराटनगरको १६औँ वार्षिकोत्सवको अवसरमा जनता नमुना माध्यमिक विद्यालयमा अध्ययनरत कक्षा आठकी छात्रा भारती कुमारी कामतलाई छात्रवृत्ति प्रदान गरेको छ ।

आर्थिक अभावका कारण पढाईलाई निरन्तरता दिन समस्या व्योहोर्नु परेको अवस्थाकी छात्रालाई पठनपाठनमा सहयोग पुगोस् भन्ने उद्देश्यले महानगर कमिटीले कक्षा दश सम्मको पढाइमा लाग्ने सम्पूर्ण खर्च व्यहोर्ने कमिटीकी अध्यक्ष भली सुब्बाले जानकारी दिनुभयो ।

कार्यक्रममा नाबुनकी केन्द्रीय सदस्य गङ्गा तामाङ, नाबुन कोसी प्रदेश अध्यक्ष कला डाँगीले महानगरले थालेको यो कार्यक्रमको प्रशंसा गर्दै विद्यार्थीहरूलाई शिक्षा क्षेत्रमा सहयोग पु¥याउने उदेस्यले थालेको यो कार्यक्रमलाई निरन्तरता दिन आग्रह गरे ।

विद्यालयका सहायक प्रधानाध्यापक चिन्तामणि रिजालले भारती जस्ता जेहेन्दार विद्यार्थीहरूलाई दिइने यस्ता छात्रवृत्तिले उनीहरूको शैक्षिक यात्रामा ठुलो टेवा दिने बताउनुभयो । विद्यालयका अध्यक्ष मनोज विक्रम साहले सौन्दर्यकर्मीहरूको यस पहलको प्रशंसा गर्दै यसले समाजमा सकारात्मक सन्देश प्रवाह गर्ने विश्वास व्यक्त गर्नुभयो ।

कार्यक्रममा नाबुन विराटनगर महानगरकी सचिव बसन्ती गुरुङले कार्यक्रम सञ्चालन गरेकी थिइन् भने नाबुन प्रदेशकी कोषाध्यक्ष अमिता पोखरेल, जिफन्ट कोसी प्रदेशकी महिला सचिव सायद तवसुम लगायत अन्य सौन्दर्यकर्मीहरूको उपस्थिति रहेको थियो ।
 

राष्ट्रिय सौन्दर्यकर्मी युनियन, नेपाल (नाबुन) को १७ औँ स्थापना दिवस चैत्र ७ गते जिफन्ट सभाहलमा मनाएको छ । 

नाबुन केन्द्रीय संयोजक पम्फा पहारी देवकोटाको अध्यक्षतामा भएको सो कार्यक्रममा जिफन्ट अध्यक्ष बिनोद श्रेष्ठले युनियनको स्थापना दिवसको अवसरमा समस्त सौन्दर्यकर्मीहरूलाई सुदृढ र गतिशील युनियन निर्माण गर्दै सामाजिक सुरक्षा र मर्यादित कामका लागि समर्पित हुने अपेक्षा सहित स्थापना दिवसको शुभकामना ब्यक्त गर्नु भएको छ । 

नाबुन केन्द्रीय संयोजक पम्फा पहारी देवकोटाको अध्यक्षतामा भएको सो कार्यक्रममा जिफन्ट उपाध्यक्ष सीता लामा, महासचिब लक्ष्मण शर्मा र जिफन्ट आवद्ध युनियनहरूको तर्फबाट क्यूपेक नेपाल अध्यक्ष शान्ता बस्नेतले मन्तब्य राख्नु भएको थियो ।

त्यसैगरी कास्की जिल्लाको पोखरामा, पर्वत जिल्लाको गोर्खामा, चितवन जिल्लाको भरतपुरमा,  सुर्खेत जिल्लाको बिरेन्द्रनगरमा, उदयपुर जिल्लाको त्रियुगा नगर पालिकामा र सुनसरी जिल्लाको धरान र इटहरीमा पनि स्थापना दिवस मनाएको नाबुन सचिव सुजना जोशीले जानकारी दिनु भएको छ ।

थप फोटोकोलागी तलको लिंकमा क्लीक गर्नुहोस् ।

https://www.facebook.com/media/set/?vanity=gefontmoments&set=a.122145078158435116

राष्ट्रिय सौन्दर्यकर्मी युनियन नेपाल (नाबुन) काठमाणडै जिल्लाको तारर्केश्वर नगर कमिटीले फागुण ६ र ७ गते २ दिने सोन्दर्यकर्मिहरूको दक्षता अभिबृद्धी तालिम सम्पन्न गरेको छ । 

१५ जना नाबुन सदस्यहरू सहभागिता रहेको सो तालिमको शुभारम्भ नाबुन केन्द्रीय सदस्य मिना गुरुङ डंगोलले गर्नु भएको थियो ।
 

जिफण्ट आवद्ध राष्ट्रिय सौन्दर्यकर्मी युनियन नेपाल (नाबुन) विराटनगर महानगर कमिटीको चैत्र १६ गते सम्पन्न चौथो अधिवेशनले  बसन्ती गुरुङको अध्यक्षतामा १७ सदस्यीय महानगर कमिटी निर्वाचित गरेको छ ।

कार्यक्रमको उद्घाटन गर्दै विराटनगर महानगरपालिकाका उपप्रमुख शिल्पा निराला कार्कीले महिलाहरूको नेतृत्व विकास लागि महानगरपालिकाले सधैँ सहयोग गर्ने बताइन ।

जिफन्ट कोसी प्रदेशका अध्यक्ष किशोर धमलाले राज्यले लागू गरेको योगदानमा आधारित सामाजिक सुरक्षा कार्यान्वयन गरेर अगाडी बढ्नु अहिलेको आवश्यकता रहेको बताउदै जिफन्टले यो विषयलाई पहिलो प्राथमिकतामा राख्दै काम गरीरहेको बताउनु भयो ।

जिफन्ट कोसी प्रदेश युवा कमिटी अध्यक्ष भली सुब्बाले सौन्दर्यकर्मीहरू एकताबद्ध भएर लाग्नु पर्नेमा जोड दिनु हुंदै नाबुन जहिले पनि जिफन्टको नीति र परिधीमा रहेर आफ्नो काम कर्तव्यमा दृढ रहने बिश्वास ब्यक्त गर्नु भयो  ।

कार्यक्रममा नावुन केन्द्रीय सदस्य गङ्गा तामाङ, नावुन कोसी प्रदेश अध्यक्ष कला डाँगी, सायदा तवसुम लगायतले शुभकामना मन्तब्य राख्नु भएको थियो ।

सोही अवसरमा श्रमिकहरूको हकहितमा लामो समयदेखि काम गर्दै आएका मुरारी प्रसाद भट्टराई र नावुन कोसी प्रदेशको पूर्व उपाध्यक्ष ललिता धिमाललाई सम्मान समेत गरिएको थियो  । 
 

नेपाल ट्रेड युनियन महासंघ (जिफण्ट) आबद्ध राष्ट्रिय सौन्दर्यकर्मी युनियन नेपाल (नाबुन) भरतपुर महानगरपालिकाको चैत्र २३ गते सम्पन्न चौथो अधिवेशनले मिरा श्रेष्ठको अध्यक्षतामा ११ सदस्यीय महानगरपालिका कमिटी निर्वाचन गरेको छ ।

नाबुन सह–संयोजक अञ्जु गुरुङले अधिवेशन उद्धधाटन गर्नु हुँदै नाबुनको इतिहास र वर्तमान अवस्थाका बारेमा चर्चा गर्नुहुँदै योगदानमा आधारित सामाजिक सुरक्षाको महत्व र परिवर्तित श्रम संसारमा नयाँ नयाँ प्रविधिको प्रयोग र सौन्दर्यकर्मिहरुको दक्षता अभिवृद्धि गर्नुपर्नेमा जोड दिनु भएको थियो ।

जिफन्ट चितवन जिल्ला समन्वय कमिटी अध्यक्ष पुस्करबाबु त्रिपाठी लगायतका अतिथिहरूले अधिवेशन सफलताको शुभकामना मन्तब्य राख्नु भएको थियो ।
 

नेपाल ट्रेड युनियन महासंघ (जिफण्ट) आबद्ध राष्ट्रिय सौर्न्दर्यकर्मी युनियन नेपाल (नाबुन) पोखरा महानगर कमिटीको आयोजनामा चैत्र ३० गते माइक्रो सेडिङ, ब्राइड मेकअप, हेयर एन्ड स्किन टेस्ट सम्बन्धी एक दिने तालिम संचालन गरेको छ । 

नाबुन महानगर कमिटी अध्यक्ष मंगल लक्ष्मी श्रेष्ठको अध्यक्षतामा जिफन्ट संसदीय तथा स्थानीय तह संयोजक मिना गुरुङज्यूको प्रमुख अतिथ्यतामा सम्पन्न सो तालिम कार्यक्रममा सहभागीहरू बिच नयाँ वर्ष २०८२को शुभकामना आदान प्रदान समेत सम्पन्न भएको थियो।