राष्ट्रिय सौन्दर्यकर्मी युनियन नेपाल (नाबुन) दुहबी नगर कमिटीले जितिया पर्व मनाएको छ ।

नगर कमिटी अध्यक्ष चानु माझीको अध्यक्षतामा असोज ५ गते सुनसरीको दुहबीमा सांस्कृतिक कार्यक्रम सहित जितिया पर्व मनाएको हो ।

कार्यक्रमको प्रमुख अतिथि दुहबी नगरपालिकाका प्रमुख बेद नारायण गच्छेदारले सांस्कृतिक पर्वले समाजमा भाइचारा कायम गरेर अगाडी बढ्ने बताउनु हुँदै सौन्दर्यकर्मीहरुले आयोजना गरेको यस्तो कार्यक्रमलाई नगरपालिकाले पनि साथ सहयोग गरेर अगाडी बढ्ने भन्दै महिलाहरु चुलोचौकामा मात्रै व्यस्त नभएर त्यसभन्दा अगाडी बढ्नुपर्नेमा जोड दिनु भयो । 

कार्यक्रममा जिफन्ट कोशी प्रदेश युवा कमिटी अध्यक्ष भली सुब्बाले नाबुनले सामाजिक कामसँगै समाजमा भाइचारा कायम गर्न सांस्कृतिक कार्यक्रम पनि गरेर अगाडी बढ्ने गरेको बताउँदै जितिया पर्वमा यस्तो सांस्कृतिक कार्यक्रमहरुले महिलाहरुको प्रतिभा उजारमा ठुलो सहयोग पुग्ने विश्वास ब्यक्त गर्नु भयो  ।

दुहबी नगरपालिकाका उद्यम शाखा प्रमुख दिवेश चौधरी, नाबुन केन्द्रीय सचिवालय सदस्य ममता प्रधान,  जिफन्ट महिला कमिटीकी सचिव सायदा तवसुम, नावुन कोशी प्रदेश अध्यक्ष कला डाँगी, कोषाध्यक्ष अमिता पोखरेल लगायत अतिथिहरू सहभागी उक्त कार्यक्रमको संचालन नाबुन प्रदेश सदस्य नविना तबदारले र स्वागत मन्तव्य निर्मला चौधरीले गरेकी थिइन् । 
 

राष्ट्रिय सौन्दर्यकर्मी युनियन नेपाल (नाबुन) कोशी प्रदेशले तिहार, नेपाल सम्बत् तथा छठ पर्वको उपलक्ष्यमा कार्तिक ९ गते विराटनगरमा शुभकामना आदन–प्रदान कार्यक्रम सम्पन्न गरेको छ । 

कार्यक्रमको प्रमुख अतिथि विराटनगर महानगरपालिकाकी उपप्रमुख शिल्पा निराला कार्कीले नेपालीहरुको चाडपर्वले सामाजिक सद्भभाव कायम गरेको भन्नु हुँदै महिलाहरुको स्तर उन्नति र क्षमता अभिवृद्धि गर्दै स्वरोजगार बनाउन महानगरपालिका लागि परेको बताइन् ।

कार्यक्रममा जिफन्ट कोशी प्रदेश अध्यक्ष किशोर धमलाले नेपालीहरूको राष्ट्रिय चाडपर्वले भाइचार कायम गरेको भन्नु हुँदै तिहार, नेपाल सम्बत् तथा छठ पर्वको शुभकामना ब्यक्त गर्नु भयो ।

अध्यक्ष धमलाले योगदानमा आधारित सामाजिक सुरक्षा कोष तीन तहको सरकारले कार्यान्वयन गरेर अगाडी लैजानुपर्नेमा उनले जोड दिनु भयो ।

कार्यक्रमका सभाध्यक्ष नाबुन कोशी प्रदेशकी अध्यक्ष कला डाँगीले चाडपर्वहरुले नेपाली समाजलाई समुन्नत बनाउन, सामाजिक सहिष्णुता र सद्भभाव कायम गर्न ठुलो सहयोग मिल्ने बताउनु भएको कार्यक्रममा राष्ट्रिय सौन्दर्यकर्मी युनियन नेपालकी उपमहासचिब ममता प्रधान, जिफन्ट कोशी प्रदेश उपाध्यक्ष मनोज मगर, नाबुन विराटनगर महानगरकी अध्यक्ष भली सुब्बा लगायतले शुभकामना मन्तब्य राख्नु भएको थियो ।

कार्यक्रमको थप फोटोकालागी लिंकमा क्लिक गर्नु होस् ।

https://www.facebook.com/media/set/?set=a.122125273034435116&type=3
 

नेपाल ट्रेड युनियन महासंघ जिफन्ट आवद्ध युनियन राष्ट्रिय सौन्दर्यकर्मी युनियन नेपालको आयोजनामा योगदानमा आधारित सामाजिक सुरक्षा अभिमुखीकरण कार्यक्रम मंसिर २७ गते जिफन्ट सभाहलमा सम्पन्न भयो ।

जिफण्ट अध्यक्ष बिनोद श्रेष्ठको प्रमुख आतिथ्यमा सम्पन्न सो अभिमुखीकरण कार्यक्रमको अध्यक्षता नाबुन केन्द्रीय सचिव सुजना जोशीले गर्नु भएको थियो ।

कार्यक्रमका प्रमुख अतिथि जिफण्ट अध्यक्ष श्रेष्ठले योगदानमा आधारित सामाजिक सुरक्षा जिफण्टको एजेण्डा भएको र श्रम क्षेत्रमा रहेका सबै श्रमिकहरूलाई कोषमा आबद्ध गराउन जिफण्टले भूमिका खेल्ने बताउनु भयो ।

कार्यक्रममा योगदानमा आधारित सामाजिक सुरक्षा कोषका  उपनिर्देशक सरिता पाण्डे र सहायक निर्देशक राधिका निरौलाले अभिमुखीकरण कार्यक्रममा सहजीकरण गर्नुभएको थियो। 

नाबुन केन्द्रीय सचिव सुजना जोशीले सामाजिक सुरक्षा कोषबारे अभिमुखीकरणलाई निरन्तरता दिई आफूहरुले सामाजिक सुरक्षा कोषबाट उपभोग गरिरहेको सुविधाको बारेमा जानकारी गराउनु भएको सो कार्यक्रमको संचालन सोलिना लामाले गर्नु भएको थियो भने कार्यक्रममा जिफन्ट उपाध्यक्ष बिदुर कार्की, सचिव तारानिधि पन्तको उपस्थिति रहेको थियो ।

कार्यक्रमको थप फोटोकालागी लिंकमा क्लीक गर्नुहोस

https://www.facebook.com/media/set/?set=a.122132196758435116&type=3

नेपाल ट्रेड युनियन महासंघ (जिफन्ट) आबद्ध युनियन राष्ट्रिय सौन्दर्यकर्मी युनियन नेपाल (नाबुन) इटहरी उपमहानगर कमिटीको पुस २५ गते सम्पन्न पहिलो अधिवेशनले पूजा भट्टराईको अध्यक्षतामा १५ सदस्यीय नगर कमिटी निर्वाचित गरेको छ ।

कोशी प्रदेश सभा सदस्य माननीय मीना श्रेष्ठको प्रमुख आतिथ्यतामा सम्पन्न सो अधिवेशनमा नेपाल ट्रेड युनियन महासंघ जिफन्ट सुनसरी संयोजक हरि राई, नाबुन केन्द्रीय सचिवालय सदस्य ममता प्रधान, केन्द्रीय, सदस्य गंगा तामाङ, नाबुन कोशी प्रदेश अध्यक्ष कला डाँगी, आर्थिक सचिव अमिता पोख्रेल, नाबुन विराटनगर महानगर अध्यक्ष भलि सुब्बा लगायका अतिथिहरूले अधिवेशन सफलताको शुभकामना दिनु भएको थियो ।

त्यसैगरी सोही दिन चितवन जिल्लाको भरतपुर महानगरपालीका समन्वय कमिटीको आयोजनामा चितवनको आंपटारीमा भएको भेलाले सुस्मा क्षेत्रीको अध्यक्षतामा ९ सदस्यीय पालिका समन्वय समिति गठन गरेको छ ।

नाबुन सह-संयोजक अञ्जु गुरुङको प्रमुख आतिथ्यतामा सम्पन्न सो भेलामा जिफन्ट वाग्मती प्रदेश उपाध्यक्ष अर्जुन अर्याल, नेकपा एमाले बागमती प्रदेश सदस्य दिव्या शर्मा, जिफन्ट चितवन जिल्ला समन्वय कमिटी अध्यक्ष पुष्करबाबु त्रिपाठी लगायतका आतिथीहरूको सहभागिता रहेको थियो । 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) को माघ २९ गते चितवन रत्ननगरमा सम्पन्न भेलाले जुनु श्रेष्ठको अध्यक्षतामा ९ सदस्यीय पालिका कमिटी पुनर्गठन गरेको छ । 

जिफन्ट बागमती प्रदेश उपाध्यक्ष अर्जुन अर्यालको प्रमुख अतिथ्यतामा सम्मन्न सो भेलामा जिफन्ट जिल्ला समन्वय कमिटी, नाबुन केन्द्रीय र जिल्ला कमिटीका नेताहरूको सहभागिता रहेको थियो ।
 

नेपाल ट्रेड युनियन महासंघ (जिफन्ट) आबद्ध नेपाल राष्ट्रिय सौन्दर्यकर्मी युनियन, नेपाल (नाबुन) वीरगन्ज महानगर कमिटीको आयोजनामा फागुण २८ गते होली मिलन कार्यक्रम सप्पन्न गरेको छ । 

महानगर कमिटी अध्यक्ष पिन्की कुमारी गुप्ताको अध्यक्षता सम्पन्न उक्त कार्यक्रममा जिफन्ट राष्ट्रिय कमिटी सदस्य तथा मदेश प्रदेश महिला इन्चार्ज गीता भण्डारीले रङ्गहरुको पर्व फागुपुर्णिमाको (होली)को शुभकामना दिनु हुँदै सम्पूर्ण सौन्दर्यकर्मीहरूलाई युनियनमा सङ्गठित हुन आह्वान गर्नु भयो !

कार्यक्रममा राष्ट्रिय सौन्दर्यकर्मी केन्द्रीय सदस्य सुमित्रा सापकोटा, नाबुन मदेश प्रदेश अध्यक्ष ओम कुमारी शर्मा लगाएतले शुभकामना मन्तव्य व्यक्त गर्नु भएको सो होली मिलन कार्यक्रमको सहजीकरण महानगर कमिटी सचिव सुनिता मानन्धरले गर्नु भएको थियो ।