नेपाल यातायात स्वतन्त्र मजदुर संगठनको आयोजनामा फागुण ४ गते सम्पन्न कास्की जिल्लाको मियांपाटन इकाई भेलाले ज्ञान बहादुर गुरुङको अध्यक्षतामा  ९ सदस्य कमिटी चयन गरेको छ ।

संगठनका प्रतिनिधि परिषद उप–प्रमुख कर्ण सिं गुरुङको प्रमुख अतिथ्यतामा, केन्द्रिय उपमहासचिव एवं गण्डकी प्रदेश इन्चार्ज बिष्णु बहादुर पराजुली ,गण्डकी प्रदेश अध्यक्ष बिष्णु खत्रीको अतिथी रहनु भएको सो भेलाले ४ सदस्य सल्हाकार समेत चयन गरेको छ ।
 

नेपाल यातायात स्वतन्त्र मजदुर संगठन लुम्बिनी प्रदेशद्धारा चैत्र ७ गते दुर्घटनामा परि घाइते हुनु भएका संगठनका सदस्यहरू वीर बहादुर महत्तालाई ७० हजार ३२०, सन्जु खत्रीलाइ र १८ हजार ५०० र  जित बहादुर खत्रीलाई १०हजार नगद स्वास्थ्य लाभको कामना सहित हस्तान्तरण गरेको छ ।

त्यसैगरी सोहिदिन संगठन दाङ जिल्ला कमिटीले संगठनका सदस्य स्व.हरि डाँगीकी श्रीमती बिना डाँगीलाई नगद  १ लाख र लुम्बिनीका संस्थापक अध्यक्ष यम के सी लाई चैत्र १० गते संगठन केन्द्रीय सल्लाहकार प्रमुख ध्यान बहादुर राई मार्फत नगद १० हजार उपचार खर्च सहयोग हस्तान्तरण गरेको छ ।
 

नेपाल यातायात स्वतन्त्र मजदुर संगठन धनुषा जिल्ला कमिटीको चैत्र १० गते सम्पन्न सातौ जिल्ला अधिवेशनले धनञ्जय मिश्रको अध्यक्षतामा १३ सदस्यीय जिल्ला कमिटी निर्वाचित गरेको छ ।

जिफन्ट मधेस प्रदेश अध्यक्ष कमलेश झाको प्रमुख अतिथ्यमा सम्पन्न सो अधिवेशनमा संगठनका केन्द्रीय महासचिव केशब थापा निरू, जिफन्ट बरिष्ठ युनियनकर्मी संजाल सदस्य रामनरेश सिंह लगायतका अतिथीहरूले अधिवेशन सफलताको शुभकामना मन्तब्य राख्नु भएको थियो । 
 

नेपाल यातायात स्वतन्त्र मजदुर संगठन निजी तथा आवासीय विद्यालय पोखरा महानगर कमिटीले फागुण १० गते सडक दुर्घटना नियुनिकरण तथा ट्रेड युनियन आधारभूत ज्ञान सम्बन्धित प्रशिक्षण कार्यक्रम सम्पन्न गरेको छ । 

संगठनका उपमहासचिब तथा गण्डकी प्रदेश इन्चार्ज बिष्णु बहादुर पराजुलीको प्रमुख अतिथ्यमा सम्पन्न सो प्रशिक्षण कार्यक्रममा प्रतिनिधि परिषद उपप्रमुख कर्ण सि गुरुङ, प्रदेश अध्यक्ष बिष्णु बहादुर खत्री उपाध्यक्ष बाबुराम राना सचिव नारायण प्रासाद रिमाल सहसचिव बालकृषण पोखरेल सचिवालय सदस्य सिता सापकोटा महानगर कमिटी इन्चार्ज दिपक रोक्का लगाएतले प्रशिक्षण दिनु भएको थियो ।
 

नेपाल यातायात स्वतन्त्र मजदुर सङ्गठनद्वारा बाग्मती प्रदेश मातहत अगुवा भेला चैत १३ गते जिफन्ट सभा हलमा सम्पन्न गरेको छ । 

नेपाल ट्रेड युनियन महासंघ (जिफण्ट) महासचिब लक्ष्मण शर्माको प्रमुख अतिथ्यतामा सम्पन्न सो भेलामा २० बर्षे सवारी साधन र योगदानमा आधारित सामाजिक सुरक्षा कार्यान्वान बिषयमा छलफल भएको थियो ।

नेपाल यातायात स्वतन्त्र मजदुर संगठनद्धारा तनहुं जिल्लाको खैरेनीटार दुलेगौंडा इकाई भेला चैत्र १६ गते संगठन प्रतिनिधि परिषद उपप्रमुख कर्ण सिं गुरुङको प्रमुख अतिथ्यमा सम्पन्न गरेको छ । 

भेलाले गोपाल पगेनिको अध्यक्षतामा १३ सदस्यीय कमिटी र ३ सदस्यीय सल्लाहकार कमिटी गठन निर्वाचित गरेको छ ।