राष्ट्रिय सौन्दर्यकर्मी युनियन नेपाल नाबुनको कास्की जिल्लाको बगर इकाई कमिटिको असार २६ गते सम्पन्न छैटौं अधिबेशनले अनिता खत्रीको अध्यक्षतामा ११ जनाको इकाइ कमिटी निर्वाचित गरेको छ ।

सुरक्षित र मर्यादित रोजगार, सौन्दर्यकर्मीहरुको अधिकार नाराका साथ कल्पना रानाको अध्यक्षतामा जिफन्ट संसदीय तथा स्थानिय तहका संयोजक मिना गुरूङको प्रमुख अतिथ्यतामा सम्पन्न भएको हो ।

अधिवेशनमा नाबुन केन्द्रिय सदस्य नुर गुरुङ, जिफन्ट गण्डकी प्रदेश महिला कमिटी उपाध्यक्ष दुर्गा केसि लगाएतका अतिथीहरूको सहभागिता रहेको थियो ।

नेपाल स्वतन्त्र होटल क्यासिनो तथा रेष्टुरेन्ट मजदुर युनियन द सोल्टी होटल इकाईको ४५ औं स्थापना दिवसको सन्दर्भमा असार २३ गते श्री मानवसेवा आश्रम बनस्थलीमा २३८ जना आश्रीतहरूलाइ भोजन बितरण गरेको छ ।

इकाईका अध्यक्ष शिव प्रसाद तिमिल्सिना, उपाध्यक्ष बद्री कुमार भण्डारी, महासचिव कमल घिमिरे लगाएत नेकपा (एमाले) नागर्जुन नगर कमिटी अध्यक्ष नन्दहरी गौतमको उपस्थीती रहेको थियो । 
 

समग्र उधोग ट्रेड युनियन नेपाल (व्हिन) केन्द्रीय महिला कमिटीको अयोजनामा असार २२ गते जिफन्ट नियमित ट्रेड युनियन स्कुलमा "योगमाया स्मृती दिवस" को सन्दर्भमा महिला कमिटी प्रमुख गीता भण्डारीको अध्यक्षतामा बिचार गोष्ठी अयोजना गरेको छ ।
कार्यक्रमका प्रमुख अतिथी नेकपा एमाले स्थाई कमिटी सदस्य बिन्दा पाण्डेले समाज परीवर्तनमा योगमायाको योगदानका बारेमा प्रकाश पार्नु भएको थियो । 

रमा चौलागाईंले संचालन गर्नु भएको सो कार्यक्रममा नेकपा एमाले केन्द्रीय सदस्य बिना श्रेष्ठ, जिफन्ट उपमहासचिव कमला तामाङ, व्हिन अध्यक्ष आनन्द थामी लगाएतका नेताहरू सहभागी उक्त कार्यक्रमको स्वागत अर्जुन चौलागाईंले गर्नु भएको थियो ।
 

नेपाल टेड युनियन महासंघ को अयोजनामा काठमाण्डध् महानगर पालिकामा कार्यरत सरसफाइ तथा सरसफाइ वर्गिकरणका सफाइ श्रमिकहरू संग सहभागितामुक वस्तु स्थिति विश्लेशन कार्यशाला र भेला असार २२ गते सम्पन्न भएको छ । 

नेपाल सफाइ कर्मचारी युनियनका अध्यक्ष मोहन नेपालीको अध्यक्षतामा सम्पन्न सो भेलामा जिफन्ट उपाध्यक्ष विदुर कार्किले कार्यक्रमो उध्देश्यबारे जानकारी गराउनु हुदै यो कायर्केमले सिगो सफाइ क्षेत्रको समस्या समाधानमा सहयोग पुग्ने बताउनु भयो । 

कार्यक्रममा जिफन्ट राष्ट्रिय कमिटी सदस्य ठाकुर कुमार श्रेष्ठ, नेपाल गृह श्रमिक युनियनको महासचिव ज्ञानुमाया केसि र शंकर घिमिरेले सहजिकरण गर्नु भएको थियो

नेपाल ट्रेड युनियन महासंघ जिफन्ट अवध्द युनियन स्पोटर्स युनियन नेपाल सनको असार २२ गते जिफन्ट सभाहल पुतलीसडकमा सम्पन्न भेलाले बिराज रानाको अध्यक्षतामा ११ सदस्य उपत्यका कमिटी गठन गरेको छ । 

नेपाल ट्रेड युनियन महासंघ जिफन्ट उपाध्यक्ष तथा स्पोटर्स युनियन नेपालका अध्यक्ष सीता लामाको अध्यक्षामा सम्पन्न सो भेलाका प्रमुख अतिथी जिफन्ट कार्यबाहाक अध्यक्ष जितेन्द्र श्रेष्ठले खेल क्षेत्रका समस्याहरु समाधान गर्न, खेलाडीहरुको आत्मसम्मान तथा योगदामा अधारीत सामाजीक सुरक्षाको ग्यारेन्टी गर्न, खेलकुदवाट देशको समृद्धी र खेलाडीहरूको जिवनको समृद्धीको लागी खेल क्षेत्रमा रहेकाहरूको एकताबध्द र मजबुत संगठनको अवश्यक रहेको बताउनु हुदै खेलाडीहरूको हक अधिकारकालागी जिफन्टले गत ३ वर्ष अगाडी स्पोट्स यूनियन नेपालको गठन गरेको बताउनु भयो ।

भेलामा जिफन्ट महासचिब लक्ष्मण शर्माले नेपालमा श्रम अन्दोलनले समेत्न नसकेको खेल क्षेत्रमा क्रियाशिल खेल कर्मीहरूलाइ जिफन्टले संगठीत गर्ने अभियान सुरू गरेको भन्नु हुदै यस क्षेत्रमा रहेको बिकृती र बिसंगती हताउन र एन कानुनको कार्यान्वयनकालागी संगठित शक्तीको बिकल्प नरहेको बताउनु हुदै जिफन्ट यस्कालागी हरेक हाबमा साथ दिन तयार रहेको बताउनु भयो । 

स्पोट्स यूनियन नेपालका उपाध्यक्ष युवराज जिरेलले स्वागत र महासचिब सुदिप शर्माले संचालन गर्नु भएको सो कार्यक्रमा जिफन्ट सचिब कृष्ण केसील खेल क्षेत्रमा ट्रेड युनियन गठनको अवश्यका बारेमा प्रकाश पार्नु भएको थियो ।
भेलाले निर्वाचित कमिटीलाइ जिफन्ट अध्यक्ष बिनोद श्रेष्ठले बधाइ तथा शुभकामना दिनु भएको थियो ।

नेपाल ट्रेड युनियन महासंघ, जिफन्ट आबध्द युनियन युनिट्राभको आयोजनामा असार २० गते जिफन्ट सभाहलमा पर्वतारोहीहरूको भेला अयोजना गरेको छ ।जिफन्ट कार्यबाहक अध्यक्ष जितेन्द्र श्रेष्ठको प्रमुख अतिथ्यमा सम्पन्न सो भेलाले मिङ्मा डेविड शेर्पाको अध्यक्षतामा ११ सदस्य पर्वतारोही कमिटी गठन गरेको छ ।

कार्यबाहक अध्यक्ष जितेन्द्र  श्रेष्ठले पर्वतारोहण गर्नु आफैमा जोखिमपूर्ण काम भएको भन्नु हुदै यस क्षेत्रमा काम गर्ने श्रमिकहरूको लागि राज्यले बिशेष ध्यान दिनु पर्ने बताउनु भयो । पर्वतारोहीले गर्ने साहसिक कार्यको तुलनामा सेवा र सुबिधा न्यून रहेकोले नै नयाँ पुस्ताको यो पेशा प्रति आकर्षण घट्नुका साथै दक्ष पर्वतारोहीहरू बिदेशिन बाध्य हुनु परेको बताउनु भयो । 

यूनियट्राभले पर्वतारोही क्षेत्रमा कार्यरत  श्रमिकहरूको समस्या समाधानका लागि निरन्तर लागी परेको बताउनु हुदै अध्यक्ष सुमन पराजुलीले संगठनको आगामी योजना बारे प्रकास पार्नु भएको थियो । कार्यक्रममा जिफन्ट महासचिब लक्ष्मण शर्मा र उपमहासचिब नरनाथ लुइटेलको पनि उपस्थिती रहेको थियो ।