नेपाल यातायात स्वतन्त्र मजदुर संगठन एयरपोर्ट मिटर ट्याक्सी ईकाइ कमिटीले कमिटीका सल्लाहकार धनेश्वर पण्डित र सदस्य अर्जुन थापालाई असोज १ गते सवारी दुर्घटना राहत सहयोग प्रदान गरेको छ ।

कमिटिका अध्यक्ष दिलबहादुर शाक्य को अध्यक्षतामा संगठन केन्द्रिय अध्यक्ष भिमज्वाला रार्इले बा २ ज ५४६० का चालक पण्डित र बा २ ज ४१९६ का चालक थापालाई विश्वकर्मा पुजाको अवसर पारेर जनहि ५० हजार दुर्घटना राहत सहयोग हस्तान्तरण गरेको हो ।

त्यसैगरी इमाडोलबाट रत्नपार्क चल्ने सफा टेम्पु तथा ग्यास टेम्पुका चालक तथा स्वरोजगार श्रमिकहरूको भेला सोज १ गते सम्पन्न भयको छ।

प्रमुख अतिथि संगठनका उपाध्यक्ष तथा बागमती प्रदेश इन्चार्ज नबराज घिमिरेले रुट ब्यवस्थापन, २० वर्ष पूरा भएको सवारीहरूको बारेमा र सडक दुर्घटना न्यूनीकरण सम्बन्धी प्रकाश पार्नु भएको भेलामा ललितपुर जिल्ला कमिटी कोषाध्यक्ष राधेश्याम श्रेष्ठ लगायतका अतिथिहरूको उपस्थित रहेको थियो।

त्यसैगरी नेपाल यातायात स्वतन्त्र मजदुर संगठन दाङ जिल्ला कमिटीले विश्वकर्मा पुजाको अवसरमा असोज १ गते कार्यालय परिसरमा रहेको विश्वकर्मा मन्दिरमा पूजाआजा गर्नुका साथै मन्दिरमा नयाँ घण्टी र पाला चढाएको जिल्ला सचिव खिम बहादुर डाँगीले जानकारी दिनुभएको छ । 
 

नेपाल ट्रेड युनियन महासंघ (जिफन्ट) अध्यक्ष विनोद श्रेष्ठले २०३६ सालदेखिको मजदुर आन्दोलनले पाएको उपलब्धिको स्मरण गर्दै अधिकार र सफलताको लागि निरन्तरता र सशक्तीकरण जरुरी भएको बताउनु भएको छ । 

नेपाल ट्रेड युनियन महासंघ (जिफन्ट) आबद्ध नेपाल गृह श्रमिक ट्रेड युनियन (हुन) को स्थापना दिवसको सन्दर्भमा भाद्र ३१ गते पुतलीसडक स्थित, मनमोहन मजदुर भवन जिफन्ट सभाहलमा हुन केन्द्रिय कमिटीद्वारा आयोजित कार्यक्रममा बताउनु भएको हो । 

अध्यक्ष श्रेष्ठले घरेलु श्रमिकहरूको हक-हित र अधिकार संरक्षणको लागि जिफन्टले नियमित सङ्घर्ष गर्दै आइरहेको बताउनु हुँदै सुन, चाँदी, मूर्ति कुट्ने, थान्का, घरमा काम गर्ने ४ वटा यूनियनलाइ एकीकरण गरी नेपाल गृह श्रमिक ट्रेड युनियन (हुन) को २०६३ मा स्थापना गरेको स्मरण गर्नु हुँदै नेपालमा अधिकतम श्रमशक्ती अनौपचारीक क्षेत्रमा रहेको  र त्यसमा पनि घर आधारित क्षेत्रमा ठुलो श्रमिकहरूको संलग्नता  रहेको  यस क्षेत्रका श्रमिकहरूले न्यूनतम श्रमिक अधिकार पनि नपार्इ रहेको अवस्थामा संगठीत रूपमा आफ्नो अधिकारकोलागि आफै अग्रसर हुनु पर्नेमा जोड दिनु हुँदै यस्कालागि जिफन्टको साथ सहयोग निरन्तर रही रहने बताउनु भयो ।

कुनै पनि श्रमिकको उचित आम्दानी, कामको निरन्तरता र भबिष्यकालागि बचतको सुनिश्चितता जिफन्टको मान्यता रहेको भन्नु हुँदै अध्यक्ष श्रेष्ठले स्थानीय तहमा श्रमिक पंजिकरण सहित योगदानमा आधारित सामाजिक सुरक्षाको सबै श्रमिकहरूलार्इ प्रत्याभूति गराउने जिफन्टको अभियान हामी सबैको सहकार्यले सफल हुने विश्वास व्यक्त गर्नु हुँदै युनियनको स्थापना दिवसको शुभकामना दिनु भएको थियो । 

कार्यक्रममा हुन सदस्यहरू पूर्ण कुमारी कार्की क्यान्सर रोग र रेवन्त बस्नेत मुटु रोगको कारण निधन हुनु भएकोले तीनका परिवारलाई प्रमुख अतिथि श्रेष्ठले आर्थिक सहयोग हस्तान्तरण गरेको थियो । 

त्यसैगरी हुन सदस्य अनिता तुलाधर, मिकी कुमारी श्रेष्ठ, एलिशा खत्री, रजनी राज भण्डारी, धन कुमारी के.सी लार्इ पनि उपचार सहयोग अध्यक्षद्वारा प्रदान गर्नु भएको थियो ।

हुन केन्द्रीय अध्यक्ष चन्द्र सागर लामाको अध्यक्षतामा महासचिब ज्ञानु केसीले संचालन, लक्ष्मी खडकाले स्वागत र जिफन्ट सम्बद्ध युनियनहरूको तर्फबाट युनिट्राभ अध्यक्ष सुमन पुराजुलीले शुभकामना दिनुभएको उक्त कार्यक्रममा जिफन्ट उपाध्यक्ष विदुर कार्की, महासचिब लक्ष्मण शर्मा, उपमहासचिव नरनाथ लुइँटेल, कमला तामाङ लगायतका नेताहरूको उपस्थित रहेको थियो । 

त्यसैगरी नेपाल गृह श्रमिक ट्रेड युनियन (हुन) को स्थापना दिवसको अवसरमा भाद्र २९ गते स्याङ्जाको पुतली बजारमा शुभकामना कार्यक्रम सम्पन्न भयो। 

हुन सचिव सुवास खातीको आतिथ्यमा भएको सो कार्यक्रममा जिफन्ट ऐक्यबद्धता कोष अन्तर्गत क्यान्सर रोग पीडितहरू हेम बहादुर सुनार र महेन्द्र (सुदन) बि.कलाई आर्थिक सहयोग हस्तान्तरण गरिएको थियो। त्यसैगरी भाद्र २९ गते नै ललितपुरमा घरेलु श्रमिकहरूको भेला स्थापना दिवस मनाएको छ । 

हुन अध्यक्ष चन्द्र सागर लामाको प्रमुख आतिथ्यमा सम्पन्न उक्त भेलामा, महासचिव ज्ञानुमाया क्षत्री, केन्द्रीय सदस्य पद्मिनी बज्राचार्य उपस्थित रहेको थियो। 
 

कार्यक्रमको फोटोकोलागी लिंकमा क्लिक गर्नु होला 

https://www.facebook.com/media/set/?set=a.122118284918435116&type=3

राष्ट्रिय सौन्दर्यकर्मी युनियन नेपाल (नाबुन) इटहरी उपमहानगर कमिटीको आयोजनामा “नेतृत्व तथा विकास तालिम भदौ ३१ गते सुन्दरहरैचामा सम्पन्न गरेको छ । 

उपमहानगर कमिटी अध्यक्ष सृजना बस्नेतको अध्यक्षतामा सम्पन्न सो कार्यक्रममा नेतृत्व विकास र ट्रेड युनियनको आधारभूत ज्ञान सम्बन्धी प्रशिक्षण जिफन्ट कोशी प्रदेश कमिटी अध्यक्ष किशोर धमलाले दिनु भएको थियो भने प्रदेश कमिटी उपसचिव हरी अधिकारी सामाजिक सञ्जालको प्रयोग र संगठनले गरेका कामहरूको समाचार सम्प्रेशनका बारेमा प्रशिक्षण दिनु भएको थियो ।

कार्यक्रममा जिफन्ट कोशी प्रदेश महिला कमिटी अध्यक्ष डोमा राई, जिफन्ट सुनसरी जिल्ला संयोजक हरी राई, राष्ट्रिय सौन्दर्यकर्मी युनियन केन्द्रिय सदस्य गंगा तामाङ लगायतका नेताहरू अतिथि रहनु भएको थियो ।
 

नेपाल स्वास्थ्यकर्मी तथा कर्मचारी युनियन लुम्बिनी नेत्र बिज्ञान अध्ययन संस्थान रण अम्बिका शाह अस्पतालको भाद्र २९ गते सम्पन्न १३ औ अधिवेशनले अरूण अधिकारीको अध्यक्षतामा ११ सदस्य कमिटी निर्वाचित गरेको छ ।

अधिवेशनको उद्घघाटन गर्नु हुँदै जिफन्ट उपाध्यक्ष कमल गौतमले श्रमिकहरूको हक र हितकालागी जिफन्टले गर्दै आइरहेको कामको बारेमा चर्चा गर्नु हुँदै योगदानमा आधारीत सामाजिक सुरक्षा सबै श्रमिकहरूको अधिकार भएको हुनाले यस बाट कुनै श्रमिकहरलाइ बन्चीत गर्न नुहने बताउनु भयो ।

नेपाल स्वास्थ्य कार्मी तथा कर्मचारी युनियनको केन्द्रिय आर्थिक सचिव तथा लुम्बिनी प्रदेश ईन्चार्ज रमेश घिमिरेको अध्यक्षतामा भएको अधिवेशन उद्धघाटन समारोहमा नेपाल स्वास्थ्यकर्मी तथा कर्मचारी युनियनका केन्द्रिय कमिटी अध्यक्ष उमेश गिरीले यूनियनको नीति तथा कार्यक्रम माथी प्रकाश पार्नु भएको थियो भने, जिफन्ट लम्बीनी प्रदेश अध्यक्ष हुमाकान्त काफ्लेले अधिवेशन सफलताको शुभकामना दिनु हुँदै श्रमिक अधिकार प्राप्तीकालागी संगठीत हुनुको बिकल्प नभएको बताउनु भयो ।

युनियनका केन्द्रिय अध्यक्ष उमेश गिरीको अध्यक्षतामा, जिफन्ट लम्बीनी प्रदेश अध्यक्ष हुमाकान्त काफ्लेले संचालन गर्नु भएको बन्दशत्रले निर्वाचित कमिटीलाई अध्यक्ष उमेश गिरीले पद तथा गोपनियताको पथ ग्रहण गराउनु भएको थियो ।
 

नेपाल ट्रेड युनियन महासंघ (जिफन्ट) आबद्ध युनियन नेपाल स्वरोजगार ब्यापार श्रमिक संघ नेष्ट बागमती प्रदेश कमिटीको आयोजनामा भाद्र २९ गते जिफन्ट ट्रेड युनियन स्कुल अनामनगरमा नेतृत्व विकास कार्यक्रम सम्पन्न भयो ।

प्रशिक्षण कार्यक्रमको शुभारम्भ गर्नु हुँदै जिफण्ट अध्यक्ष बिनोद श्रेष्ठले प्रशिक्षणमा सिकेका बिषयहरूलार्इ व्यवहारिक रूपमा लागु गर्न सके मात्र प्रशिक्षण सफल हुने भन्नु हुँदै सहभागीलार्इ सिकेका विषयहरू आ–आफ्नो कार्य क्षेत्रमा लागु गर्न अनुरोध गर्नु हुँदै कार्यक्रमको सफलताको कामना गर्नु भयो । 

जिफन्ट उपाध्यक्ष तथा शिक्षा विभाग प्रमुख बिदुर कार्कीले संगठन कला, स्वरोजगार क्षेत्रमा योगदानमा आधारित सामाजिक सुरक्षाको प्रबन्ध लगायतका विषयमा प्रशिक्षण दिनु भएको सो कार्यक्रममा जिफन्ट महासचिब लक्ष्मण शर्मा, श्रम सम्बन्ध विभाग प्रमुख कृष्ण केसी उपस्थित हुनु भएको थियो । 

कार्यक्रमको फोटोकोलागी लिंकमा क्लिक गर्नु ।

 https://www.facebook.com/media/set/?set=a.122117877932435116&type=3

नेपाल ट्रेड युनियन महासंघ (जिफन्ट) आबद्ध आइसिटी, मिडिया, प्रेस, प्रोफेसनल युनियन नेपाल (इम्प्रेसन नेपाल) को काठमाण्डो उपत्यका स्तरीय भेला भाद्र २५ गते पुतलीसडक स्थित जिफन्ट सभाहलमा इम्प्रेसन नेपाल बागमती प्रदेश इन्चार्ज राजु दाहालको अध्यक्षतामा सम्पन्न भयो ।

भेलाका प्रमुख अतिथि इम्प्रेसन नेपालका अध्यक्ष वालगोपाल थापाले भेलाको उद्देश्यबारे प्रस्ट पार्नु हुँदै श्रमिकहरूको अधिकार, "इम्प्रेसन नेपालको अवसर र चुनौतीका बारेमा आफ्ना धारणा राख्नु भयो । 

जिफन्ट बाग्मती प्रदेश सदस्य ईश्वरी थापा, इम्प्रेसन नेपालका उपाध्यक्ष किरण माली, अर्ची अफसेटका अध्यक्ष नारायण भक्त सुवाल, कान्तिपुर पब्लीकेशनका अध्यक्ष राम निरौला, एनसेल अध्यक्ष शुकान्त अधिकारी लगायतका नेताहरूले भेलामा सम्बोधन गर्नु भएको थियो ।

इम्प्रेसन नेपालका महासचिब सुरज अधिकारीले संचालन र उपमहासचिव सुमन गौतमले स्वागत गर्नु भएको भेलाले फन्नीराज गुरागाईँको अध्यक्षतामा ११ सदस्य काठमाण्डौं जिल्ला तदर्थ कमिटी गठन गरेको छ ।

त्यसैगरी रमेश कार्कीको अध्यक्षतामा ५ सदस्य ललितपुर जिल्ला तदर्थ कमिटी र मोहन श्रेष्ठको अध्यक्षतामा ६ सदस्य भक्तपुर जिल्ला तदर्थ कमिटी गठन गरेको छ ।