नेपाल ट्रेड युनियन महासंघ (जिफन्ट)को कायाकल्प कोलागि अभियान २०८१ अन्तरगत बागमती प्रदेशको काठमाण्डौ, ललितपुर, भक्तपुर र काभ्रे जिल्लाको मध्यावधि मुल्याकन फागुण २ गते जिफन्ट सभाहल, पुतलीसडकमा सम्पन्न भएको छ । 

जिफन्ट बागमती प्रदेश अध्यक्ष रामहरि नेपालले हालसम्म सम्पन्न कार्यक्रमहरूको बारेमा समीक्षा प्रतिवेदन प्रस्तुत गर्नु भएको सो कार्यक्रममा जिफन्ट आवद्ध युनियनका नेताहरूले अभियानको क्रममा परेका समस्याहरू तथा सबल पक्षहरूको बारेमा रिपोर्टिङ गर्नु भएको थियो । 

जिफन्ट अध्यक्ष बिनोद श्रेष्ठले अभियानको क्रममा आएका समस्याहरूको समाधान र आगामी बाकी अवधिमा गर्ने कामहरूको बारेमा प्रकास पार्नु भएको, कार्यक्रमको संचालन प्रदेश सचिव कृष्ण रिमालले गर्नु भएको थियो ।
 

फोटोकोलागि लिंकमा क्लीक गर्नुहोस् ।

https://www.facebook.com/media/set/?set=a.122140112372435116&type=3

बेलिज नेपालमा कार्यरत हरिओम अधिकारीको निधन पछि तिनका परिवारले आश्रीत परिवार सुविधा योजना अन्तरगत योगदानमा आधारीत सामाजिक सुरक्षा बापत पाउनु पर्ने रु ३० लाख रकम बेलिज नेपालले दिने गरी माघ ३० गते सहमति भएको छ । 

नेपाल ट्रेड युनियन महासंघ (जिफन्ट)को पहलमा निजकी श्रीमती सुनिला अधिकारी श्रेष्ठले सामाजिक सुरक्षा कोषमा अश्रीत परिवार सुविधा योजना अन्तरगत कार्तिक २६ मुद्दा दायर गर्नु भएको थियो ।

सामाजिक सुरक्षा योजना संचालन कार्यविधि २०७५ बमोजिम नियमित रूपमा योगदान रकम कोषमा जम्मा नभएको हुँदा रोजगारदाता बेलिज नेपाल प्रा.ली बाट नै योगदान कर्तालाई योगदानमा आधारीत सामाजिक सामाजिक सुरक्षा कोषमा जम्मा हुनु पर्ने सम्पूर्ण रकम सुविधा बापत रू ३० लाख बेलिज नेपाल प्रालीले दिने सहमति भएको हो ।

जिफन्ट र जिफन्ट आवद्ध युनियन नेस्वहोमयूको नेता स्वर्गीय हरीओम अधिकारीको गत भदो १ गते बेलिज नेपालमा रात्री ड्यटी सकेर बिहान घर फर्कने क्रममा अचानक बाटैमा मृत्यु भएको थियो ।

स्वर्गीय हरीओम अधिकारीकी श्रीमती सुनिला अधिकारी श्रेष्ठ र छोराले जिफन्टको पहलमा अश्रीत परिवार सुविधा योजना अन्तरगत सुविधा पाएकोमा जिफन्ट प्रति आभार व्यक्त गर्दै धन्यवाद दिनु भएको छ ।

 

नेपाल ट्रेड युनियन महासंघ (जिफन्ट) आवद्ध राष्ट्रिय सौन्दर्यकर्मी युनियन नेपाल (नाबुन) को माघ २९ गते चितवन रत्ननगरमा सम्पन्न भेलाले जुनु श्रेष्ठको अध्यक्षतामा ९ सदस्यीय पालिका कमिटी पुनर्गठन गरेको छ । 

जिफन्ट बागमती प्रदेश उपाध्यक्ष अर्जुन अर्यालको प्रमुख अतिथ्यतामा सम्मन्न सो भेलामा जिफन्ट जिल्ला समन्वय कमिटी, नाबुन केन्द्रीय र जिल्ला कमिटीका नेताहरूको सहभागिता रहेको थियो ।
 

नेपाल ट्रेड युनियन महासंघ (जिफन्ट) आबद्ध क्यूपेक नेपालको माघ २८ गते बेनीमा सम्पन्न नवौं जिल्ला अधिवेशनले जित बहादुर किसानको अध्यक्षतामा ११ सदस्य जिल्ला कमिटी निर्वाचित गरेको छ । 

क्यपेक अध्यक्ष शान्ता बस्नेतको प्रमुख अतिथ्यमा भएको सो अधिवेशनमा, महासचिव राजेन्द्र बिष्ट,  सचिव बलादेवी राई लगायतका अतिथिहरूको सहभागिता रहेको थियो । 

त्यसैगरी फागुन २ गते हेटौडामा सम्पन्न क्यूपेक-नेपाल मकवानपुर जिल्लाको आठौं अधिवेशनले बुद्ध बि.क.को अध्यक्षतामा १९  सदस्य जिल्ला कमिटी निर्वाचित गरेको छ ।

बागमती प्रदेश श्रममन्त्री प्रेम भक्त महर्जनको प्रमुख आतिथ्यतामा सम्पन्न सो अधिवेशनमा केन्द्रीय अध्यक्ष शान्ता बस्नेत  लगायतका केन्द्रीय अतिथिहरूको सहभागिता रहेको थियो । 
 

नेपाल ट्रेड युनियन महासंघ (जिफन्ट) आवद्ध नेपाल यातायात स्वतन्त्र मजदुर संगठनको चितवन नारायणगढमा रहेको तरकारी फलफूल ढुवानी इकाई कमिटीले माघ २२ गते त्यहाँ कार्यरत १५ जना श्रमिकहरूलाइ योगदानमा आधारित सामाजिक सुरक्षा कोषमा आवद्ध गराएको छ । 

जिफन्टले योगदानमा आधारित सामाजिक सुरक्षा कोषमा सबै क्षेत्रका श्रमिकहरूलाइ आवद्ध गर्ने अभियान अन्तरगत अनौपचारिक क्षेत्रमा रहेका श्रमिकहरूलाइ सूचीकृत गर्न यूनियनले श्रमिक सूचीकरण कार्यक्रम मार्फत थालनी गरेको भरतपुरबाट इकाइका अध्यक्ष राजन ढकालले श्रमिक खवरलाइ जानकारी दिनु भएको हो ।
 

जिफन्ट आबद्ध युनियन नेपाल चिया-कफि श्रमिक युनियनले माघ २२ गते झापाको मेचीनगर १५ मा रहेको वैभव चिया बगानको भेलाबाट हरसिङ्ग राजवंशीको अध्यक्षतामा ९  सदस्यिय कमिटी पुनर्गठन गरेको छ । 

केन्द्रीय अध्यक्ष सन्त कुमार राइको प्रमुख आतिथ्यमा सम्पन्न सो भेलामा केन्द्रीय नेताहरुको सहभागिता रहेको थियो ।