नेपाल ट्रेड युनियन महासंघ (जिफन्ट) उदयपुर जिल्ला अन्तरगत जेठ १८ र १९ गते कटारी र त्रियुगा नगर पालिकामा आधारभुत ट्रेड यूनियन शिक्षा र योगदानमा आधारीत सामाजिक सुरक्षाको बिषयक कार्यक्रम सम्पन्न भयो ।

जिफन्ट उपाध्यक्ष तथा शिक्षा बिभाग प्रमुख बिदुर कार्की प्रमुख अतिथी रहनु भएको कार्यक्रममा कटारी नगरपालिका उपप्रमुख गिता खड्का, जिफन्ट राष्ट्रिय कमिटी सदस्य माया भण्डारी लगाएका अतिथीहरू सहभागी रहनु भएको थियो ।

 

कार्यक्रमबाट सन्त बहादुर तामाङको अध्यक्षतामा ९ सदस्य जिफन्ट कटारी नगर कमिटी समेत गठन गरेको छ ।

त्यसैगरी त्रियुगा नगरपालिका स्थीत नेपाल निजामती कर्मचारी संगठनको सभाहलमा जेठ १९ गते आधारभुत ट्रेड यूनियन शिक्षा र योगदानमा आधारीत सामाजिक सुरक्षाको कार्यक्रमका बारेमा प्रमुख अतिथी जिफन्ट उपाध्यक्ष बिदुर कार्कीले बोल्नु भएको थियो ।

कार्यक्रममा त्रियुगा नगरपालिका उपप्रमुख महेश्वरी राइ, जिफन्ट राष्ट्रिय कमिटी सदस्य माया भण्डारी लगाएका अतिथीहरू सहभागी रहनु भएको कार्यक्रमको अध्यक्षता जिफन्ट नगर कमिटी अध्यक्ष जस बहादुर राइले गर्नु भएको थियो ।

नेपाली प्रवासि श्रमिक संघ जिफन्ट सहयोग समुह कुवेत (जिएसजी कुवेत) र कुवेत ट्रेड युनियन फेडेरेसनको सयुक्त आयोजनामा जेठ १९ गते प्रवासी श्रमिकहरू काममा रहेको अवस्थामा दुर्घटना भएमा कुवेतको कानुन अनुसार पाइने बिमाको बारेमा जानकारी दिन नेपाली श्रमिकलाइ जानकारी दिने उद्धेश्यले एक कार्यक्रमको आयोजना गरेको छ ।

 

प्रवासी श्रमिकहरूको स्वास्थ्य तथा सुरक्षाका बारेमा आइएओकी कुवेत प्रतिनिधि जुनैद अबुदिपले र कुवेत श्रम कानुनमा दुर्घटना बिमाको ब्यवस्थाका बारेमा कुवेतका कानुनविदले सहभागीहरूलाइ जानकारी गराउनु भएको थियो ।

नेपाली प्रवासि श्रमिक संघ जिफन्ट सहयोग समुह कुवेतका संयोजक गणेश रावतको अध्यक्षता सम्पन्न कायक्रमको संचालन कुवेत ट्रेड युनियन फेडेरेसन महासचिव अल अर्दाले गर्नु भएको कुवेतबाट जिफन्ट सहयोग समुह कुवेतका संयोजक गणेश रावतले जानकारी दिनु भएको हो ।

नेपाली प्रवासि श्रमिक संघ जिफन्ट सहयोग समुह कतारको आयोजनामा जेठ १९ गते कतारको सनैया स्थीत प्लाजा मल अरवियन रेस्टुरेण्टको सभाहलमा नेपाली प्रवाशी श्रमिकहरूको भेला सम्पन्न भयो ।
 
जिफन्ट सहयोग समुहका संस्थापक अध्यक्ष तथा आइटियूसी नेपाल प्रतिनिधि बिश्वराज नेपालको प्रमुख आतिथ्यतामा सम्पन्न भेलाले सनैया इलाकामा छुट्टाछुट्टै २ वटा कमिटी गठन गरेको छ ।

 

सनैया ए र सनैया बि नाम दिइएको ए कमिटीमा धुर्ब राजबंशीको अध्यक्षतामा ७ जना र बि कमिटीमा पोम बहादुर थापाको नेतृत्वमा १५ जनाको इलाका कमिटी गठन गरेको छ ।

नेपाली प्रवासी श्रमिक संघ जिफन्ट सहयोग समुह कतारका कार्यबाहक अध्यक्ष समुन्द्र खड्काको अध्यक्षतामा सम्पन्न भेलामा प्रवासी नेपाली मंच मध्यपुर्व सदस्य चानिलाल राजबंशी लगाएत जिफन्ट सहयोग समुह कतारका नेताहरू सहभागी रहेको कतारबाट जिफन्ट सहयोग समुह कतारका कार्यबाहक अध्यक्ष खड्काले जानकारी दिनु भएको हो ।

नेपाल ट्रेड युनियन महासंघ जिफन्ट लुम्बीनी प्रदेश कमिटीले जेठ २२ गते दाङ जिल्लाको घोराही उपमहानगर पालिकामा केशव बहादुर भण्डारीको अध्यक्षता ९ जना रहनु भएको पालिका कमिटी गठन गरेको छ ।

सो अवसरमा जिफन्टका उपाध्यक्ष तथा सामाजिक सुरक्षा बिभाग प्रमुख कमल गौतमले श्रमीकहरुलाई योगदानमा आधारित सामाजिक सुरक्षा कोषमा आबद्ध हुन आग्रह गर्नुभएको छ ।

कार्यक्रममा नेपाल यातायात स्वतन्त्र मजदुर संगठनका केन्द्रिय उपसचिव खगेन्द्र वली, जिल्ला संगठनका सचिव खिम बहादुर डाँगी र कोषाध्यक्ष दिपक खड्का लगाएतको सहभागिता रहेको थियो ।

 

वैदेशिक रोजगारीका क्रममा मलेसियामा कार्यरत यमबहादुर चन्दको जेठ २ गते दुःखद निधन भएको थियो ।नेपाल ट्रेड युनियन महासंघ (जिफन्ट) ले पहल गरी मलेसियास्थित नेपाली दूतावाससँग समन्वय गरी उनको शव नेपाल ल्याएको थियो । मलेसियास्थित नेपाली दूतावाससँगको सहकार्यमा स्वर्गीय चन्दको शव नेपाल ल्याउन जिफन्ट आप्रवासी डेस्कले जनाएको छ । जनक बि.के. नेपाल ट्रेड युनियन महासंघ (जिफन्ट) को तर्फबाट कुनै शुल्क नलिई मृतकको शव घरमा पु¥याएको जिफन्ट आप्रवासी डेस्कका संयोजकले जानकारी दिए । स्वर्गीय यमबहादुर चन्दको श्रीमती एक छोरी र एक छोरा छन् ।

कान्तिपुर संयुक्त संघर्ष समितिले कान्तिपुर पब्लिकेसन्समा २०८० जुन २८ मा एक कार्यक्रमको आयोजना गरेको थियो । इम्प्रेशन नेपालसहित चार युनियनका मजदुर–कर्मचारी संयुक्त संघर्ष समितिले कान्तिपुर पब्लिकेसन्सका प्रबन्धक समक्ष विभिन्न ७ मागसहित विरोध प्रदर्शन गरेको छ । कार्यक्रममा इम्प्रेस नेपालका अध्यक्ष बालगोपाल थापाले यहाँका सबै कर्मचारी र श्रमिकलाई पत्रकार ऐन बमोजिम आफ्नो हक, सुविधा र सुविधा पाउनुपर्नेमा जोड दिए । यदि यी अधिकारहरू कानूनले अनिवार्य रूपमा पालना नगरेमा व्यवस्थापनलाई जवाफदेही बनाउने र कार्यान्वयन गर्ने क्षमता हामीसँग रहेको उनले जोड दिए। बालगोपाल थापाले कर्मचारीहरुको हक अधिकार र सुविधा सुनिश्चित गर्न यस्ता कार्यहरुलाई सहयोग गर्ने इम्प्रेशन नेपाल प्रतिबद्ध रहेको बताए । कान्तिपुर संघर्ष समितिले पत्रकार कानूनको पूर्ण कार्यान्वयन र सम्माननीय सर्वोच्च अदालतको फैसलाको पूर्ण प्रचारप्रसार, राजीनामा दिएमा पत्रकार कानूनबमोजिम विछोडको पारिश्रमिकको व्यवस्था, कर्मचारी कटौती भएमा क्षतिपूर्तिको व्यवस्था गरी देहायका ७ माग समेटेको छ । पत्रकार ऐन र नियमावलीमा घर बिदा र विदा दिने, कल्याणकारी कोषको स्थापना, सेवा प्रारम्भदेखि नै सामाजिक सुरक्षा कोषमा समावेश गर्ने व्यवस्था छ ।