स्थापनाको हिसाबले नौलो देखिए पनि २००३ सालमा विराटनगरबाट सुरु भएको मजदुर आन्दोलनमा समेत अटो–मेकानिक्सहरूले महत्वपूर्ण भूमिका खेलेका थिए । २००७ सालमा राणा शासन विरुद्ध अखिल नेपाल टे«ड युनियन काङ्ग्रेसले गरेको आन्दोलनमा अटो–मेकानिक्सले ट्याक्टरलाई ट्याङ्कमा परिणत गरी राणाहरूका सेनालाई पराजित गर्न योगदान पु¥याएका थिए ।
२०३६ सालबाट नेस्वमयूको झण्डामुनि गोलबन्द हुन सुरु गरेका अटो–मेकानिक्सहरू बहुदलीय व्यवस्थाको स्थापनास“गै छुट्टै युनियन बनाउने प्रयत्नमा लागे । २०५० साल चैत्र २० गते मोटरसाइकल मेकानिक्सहरूको बिचमा नेपाल मोटरसाइकल वर्कसप मजदुर युनियन स्थापना भयो । २०५२ साल चैत्र २४ गते मोटर मेकानिक्सहरूको संगठन नेपाल स्वतन्त्र अटो–मेकानिक्स मजदुर युनियन गठन गरियो । जिफन्टको विषयगत उद्योग अभियान अन्तर्गत राष्ट्रिय संघहरूको पुनर्संरचनाको क्रममा २०५४ श्रावण ४ गते यी दुई राष्ट्रिय संघहरूको विलय गरी नेपाल अटो–मेकानिक्स ट्रेड युनियनको स्थापना गरियो ।
विभिन्न किसिमका इन्जिन मर्मत गर्ने अटो वर्कसपहरू, डेन्टिङ पेन्टिङ गर्ने वर्कसपहरू, च्यासिस र बडी निर्माण गर्ने वर्कसपहरू, स्प्रिङ पत्ति, रेडिएटर मर्मत गर्ने वर्कसपहरू, क्रैंक कटिङ र अटो–ईन्जिनियरिङ वर्कसपहरू, अटो इलेक्ट्रिकल तथा इलेक्ट्रोनिक्स र हेड मर्मत गर्ने वर्कसप र प्mयुल पम्प मर्मत गर्ने वर्कसपहरू यस युनियनको क्षेत्रमा पर्दछन् ।
यस्तै सर्भिसिङ र ग्रिजिङका क्षेत्रहरू, लेथ–मेसिन, मिलिङ–मेसिन तथा ब्लक बोरीङ, लुब्रिकेन्टस् उत्पादन र बिक्री वितरणका क्षेत्रहरू, डिजेलर पेट्रोल पम्प तथा अटो पार्टस क्षेत्र, अटो मेकानिकल प्राविधिक तालिम दिने संस्थाहरू तथा ड्राइभिङ इन्स्टिच्युटहरू, अटो पार्किङका साथै अटो इन्जिनियरिङ्ग तथा सवारी साधन खरिद–बिक्रीका क्षेत्रहरू टायर ट्यूब मर्मत तथा उत्पादन, रिसोलिङ गर्ने वर्कसपहरू र सिट हुट मर्मत गर्ने वर्कसपहरू र अटो मोबाइलका साधन तथा पार्टस उत्पादन र बिक्री प्रवर्धनका क्षेत्रमा कार्यरत श्रमिकहरू पनि यस युनियनको कार्य क्षेत्र अन्तरगत पर्दछन् । यस युनियनले बुटवलमा आफ्नै भवनमा अटोमेकानिक्स सम्बन्धी केन्द्रीय प्राविधिक तालिम केन्द्र पनि सञ्चालन गरिरहेको छ ।
संबद्ध गतिविधिहरू
नाटुको २७ औं स्थापना दिवस देरभर मनायो
नेपाल ट्रेड युनियन महासंघ जिफन्ट अवध्द यूनियन नेपाल अटो मेकानिक्स ट्रेड युनियन (नाटु) को २७ औं स्थापना दिवस साउन ४ गते देरभर बिभिन्न कार्यक्रमको अयोजना गरी मनाइएको छ ।
नाटु अध्यक्ष प्रदिप घिमिरेको अध्यक्षतामा काठमाण्डौंमा सम्पन्न कार्यक्रमको प्रमुख अतिथि जिफन्ट अध्यक्ष बिनोद श्रेष्ठ हुनु हुन्थो ।
त्यसैगरी लुम्बीनी प्रदेशको बुटवलमा रक्तदान र दिपप्रज्वलन गरी स्थापना दिवस मनाएएको छ भने सुदुर पश्चिम प्रदेशको कन्चनपुरमा रक्तदान तथा बृक्षारोपण कार्यक्रमको अयोजना गरी संगठनको २७ औं स्थापना दिवस मनाइएको खवर प्राप्त भएको छ ।
नाटुले रक्तदान र कमिटी गठन गर्यो
नेपाल ट्रेड युनियन महासंघ सम्बद्ध युनियन नेपाल अटो मेकानिक्स ट्रेड युनियन नाटु जितपुरसिमरा उपमहानगर पालिका कमिटीको आयोजनाममा भाद्र १५ गते सम्पन्न रक्तदान कार्यक्रममा ३७ जना अटो क्षेत्रका श्रमिकहरूले रक्तदान गर्नु भएको थियो ।
जिफन्ट मदेश प्रदेश अध्यक्ष कमलेश झाको प्रमुख आतिथ्यमा सम्पन्न सो कार्यक्रममा जितपुरसिमरा उपमहानगर पालिकाका मेयर राजन पौडेल, जिफन्ट मदेश प्रदेश सचिव मुक्ति चौधरी सहभागी हुनु भएको थियो ।
त्यसैगरी नेपाल अटो मेकानिक्स ट्रेड युनियन नाटु तिलोत्तमा नगर कमिटीको भाद्र १५ गते सम्पन्न तेस्रो अधिवेशनले तुलसी राम न्यौपाने को अध्यक्षतामा ८ सदस्य नगर कमिटी निर्वाचित गरेको छ।
नाटु बुटवलद्वारा मेकानिक्सहरूको क्षमता अभिवृद्धि गर्न देउसी भैलो कार्यक्रम
नेपाल अटो-मेकानिक्स ट्रेड युनियन (नाटु) बुटवलद्वारा मेकानिक्सहरूको क्षमता अभिवृद्धि गर्न कार्तिक २७ गते देउसी भैलो कार्यक्रम मार्फत आर्थिक संकलन गरेको छ ।
बुटवल स्थित रहेको केन्द्रीय प्रविधिक भवनमा EV भेहिकलको मर्मत तथा मेकानिकल एड्भान्स प्राविधिक तालिम संचालन गर्न "देउसी भैलो कार्यक्रम आयोजना गरेको नाटु बुटवलले जानकारी दिएको हो ।
नाटुद्धारा अटो- इन्जिनियरिङ क्षेत्रको नयाँ कमिटी गठन
नेपाल ट्रेड युनियन महासंघ (जिफन्ट) आबद्ध नेपाल अटो मेकानिक्स ट्रेड युनियन (नाटु) केन्द्रीय कमिटीको आयोजनामा फागुण १० गते बागमती प्रदेश स्तरीय अटो- इन्जिनियरिङ क्षेत्रमा कार्यरत श्रमिकहरूको प्रथम भेला काठमाण्डैमा सम्पन्न भयो ।
भेलाका प्रमुख अतिथि जिफन्ट अध्यक्ष विनोद श्रेष्ठले अटो मेकानिक्स क्षेत्रमा तिब्र रूपमा भएको प्रविधिको विकास अनुसार यस क्षेत्रका श्रमिकहरूले पनि आफ्नो दक्षतालाई विकास गर्नु पर्ने बताउनु भएको छ ।
अध्यक्ष श्रेष्ठले समय सैगै अयको परिवर्तनलाई अत्मासात गर्दै विश्व ट्रेड युनियन आन्दोलनलाइ पनि सोही ढङ्गबाट विकास र बिस्तार गर्नु पर्नेमा जोड दिनु हुँदै जिफन्ट यस विषयमा सजग र सचेत रहेको बताउनु भयो ।
नाटु केन्द्रीय अध्यक्ष प्रदीप धमिरेको अध्यक्षतामा भएको सो भेलाले प्रेम कुमार पटेराको अध्यक्षतामा १९ सदस्यीय बागमती प्रदेश स्तरीय अटो-इन्जिनियरिङ कमिटी गठन गरेको छ ।
भेलामा सहभागीहरूलाई लेथ सम्बन्धी प्राविधिक प्रशिक्षण समेत प्रदान गरेको थियो ।
नाटु बुढानिलकण्ठ पालिका अध्यक्षमा अनिल थापा मगर निर्वाचित
नेपाल ट्रेड युनियन महासंघ (जिफन्ट) आबद्ध नेपाल अटो मेकानिक्स ट्रेड युनियन (नाटु) बुढानिलकण्ठ नगर पालिकाको भाद्र ७ गते सम्पन्न पाँचौं अधिवेशनले अनिल थापा मगरको अध्यक्षतामा १९ सदस्य नगर कमिटी चयन गरेको छ ।
अधिवेशनका प्रमुख अतिथि जिफन्ट अध्यक्ष विनोद श्रेष्ठले श्रमिकहरूको शक्ती भनेको संगठन हो, संगठनमा जती धेरै सदस्य बृद्धी हुन्छ संगठन त्यती नै बलियो हुने र बलियो संगठनले मात्र श्रमिहरूको माग पुरा गराउन सक्ने बताउनु भयो ।
अध्यक्ष श्रेष्ठले प्रबिधीमा भएको बिकास संगै यस क्षेत्रमा कार्यरत श्रमिकहरूको दक्षतालाइ पनि तिब्र बिकास गर्नु पर्ने आजको आवश्यकता रहेको बताउनु भयो ।
अधिवेशनमा बुढानिलकण्ठ नगरपालिका मेयर मिठाराम अधिकारी, जिफन्ट बागमती प्रदेश अध्यक्ष रामहरी नेपाल, नाटु केन्द्रीय अध्यक्ष प्रदिप घिमिरे, सदस्य विनोद फुयाल, भीमसेन खतिवडा लगायतका अतिथीहरूले अधिवेशन सफलताको शुभकामना मन्तब्य राख्नु भएको थियो ।