नेपाल स्वतन्त्र होटल मजदुर युनियनको गठन २०३७ सालमा भएको हो । होटल सोल्टी व्यवस्थापनले मजदुरहरूलाई चरम दमन र शोषण गरेपछि त्यसको विरोधमा श्रमिकहरू आन्दोलनमा उत्रिए । उक्त आन्दोलनलाई दबाउने उद्देश्यले झण्डै नौ सय मजदुरहरूलाई गिरफ्तार गरी महेन्द्र पुलिस क्लब लगायत विभिन्न प्रहरी थानाहरूमा ४८ घण्टासम्म थुनियो । त्यही घटनाले होटल मजदुरहरूलाई स¨ठित हुन पे्ररित ग¥यो । परिणाम स्वरूप होटल सोल्टी, एभरेस्ट, याक एण्ड यति र कृस्टलका मजदुरहरू भेला भई २०३७ मंसिर १३ गते नेपाल स्वतन्त्र होटल मजदुर युनियनको गठन गरियो । नेस्वहोमयू होटल, लज, गेष्ट हाउस, रेष्टुराँ, जंगल लज, क्यासिनो, क्लब तथा क्याटरीङ्ग क्षेत्रमा कार्यरत मजदुरहरूको साझा संगठन हो । जिफन्टको संस्थापक युनियनमध्ये एक रहेको यो युनियन श्रम विभागमा पाँचौँ नम्बरमा दर्ता भएको छ ।

संबद्ध गतिविधिहरू

१०% सेवा शुल्कको पुनः प्राप्तीकोलागी सरकारसंग लबिङ गर्ने

नेपाल ट्रेड युनियन महासंघ (जिफण्ट) को नेतृत्व र नेपाल स्वतन्त्र होटल क्यासिनो तथा रेष्टुरेन्ट मजदुर युनियन (नेस्वहोमयु) सचिवालय बिच चैत्र १८ गते जिफन्ट कार्यालयमा होटल क्षेत्रमा गुमेको १०% सेवा शुल्कको पुनः प्राप्तीकोलागी जारी आन्दोलन र आगामी कार्यक्रमको बिषयमा छलफल भएको छ । 

जिफन्ट अध्यक्ष बिनोद श्रेष्ठले नेस्वहोमयु लगायत अन्य दुइ ट्रेड युनियनले अगाडी बढाएको आन्दोलनलाइ सफल बनाउन रणनीतिगत रूपमा अगाडी बढ्नु पर्नेमा जोड दिनु भएको छलफलमा १०% सेवा शुल्क पुन:प्राप्तिकोलागि सरकारसंग लबिङ गर्ने, ब्यवस्थापिका संसदबाट नीति बनाएर संबैधानिक अधिकार सहितको १०% सेवा शुल्क उपलब्ध गर्न माननीय ज्युहरुसंग संस्थागत लबिङ र सेवा शुल्कलाई पुनः प्राप्तिको लागि सम्बन्धित प्रतिष्ठानहरुमा आवस्यकताको आधारमा दवाब मुलक आन्दोलन गरिने बारे छलफल भएको छ । 
 

शत प्रतिशत सेवा शुल्क पुनःप्राप्ती श्रमिकको अधिकारः नेस्वहोमयु

नेपाल स्वतन्त्र होटल, क्यासिनो तथा रेष्टुरेण्ट मजदुर युनियन (नेस्वहोमयु)द्वारा “पर्यटन क्षेत्रमा सामाजिक सुरक्षा उचित वेतन र रोजगारीको रक्षा, “शत प्रतिशत सेवा शुल्क पुनःप्राप्ती श्रमिकको अधिकार” भन्ने विषयमा चैत्र २८ गते जिफण्टको सभाहलमा अन्तरक्रिया कार्यक्रम सम्पन्न गरेको छ ।

कार्यक्रममा नेपाल ट्रेड युनियन महासंघ (जिफन्ट) अध्यक्ष विनोद श्रेष्ठले मजदुरहरूको अधिकारका रुपमा स्थापित सेवा शुल्क बापतको पारिश्रमिक पाउने व्यवस्था कानुन मै स्थापित गर्न नेतृत्व र सरकारसँग वार्ता, आन्दोलन, संवाद र दबाबका कार्यक्रमहरू अगाडि बढाउनु पर्ने भन्नु हुँदै श्रमिकबाट सर्वोच्चको आदेश मार्फत छिनिएको उक्त सुविधा प्राप्तिका लागि जिफन्टले पहल गर्ने प्रतिबद्धता व्यक्त गर्नु भएको छ ।

त्यसैगरी जिफन्टका महासचिव लक्ष्मण शर्माले हामीले कसरी अधिकार पायौँ र कसरी गुमायौँ समीक्षा गर्न आवश्यक छ भन्नु हुँदै अधिकार प्राप्तिका लागि मजबुत संगठन निर्माणमा ध्यान दिनु पर्नेमा जोड दिनु भयो ।

कार्यक्रममा जिफन्ट बागमती प्रदेश कमिटी अध्यक्ष रामहरि नेपाल, नेस्वहोमयू अध्यक्ष लक्ष्मण तिवारी, युनिट्राभ अध्यक्ष सुमन पराजुलीले होटल श्रमिकहरुको अधिकार र रोजीरोटी कोभिडपछि कटौती हुँदै गएकोमा चिन्ता व्यक्त गर्नुहुँदै कतिपय होटलहरुले नियमित प्रकृतिको काम भइरहँदा पनि करारमा धेरै कर्मचारी राख्ने र पुराना कर्मचारीलाई दिइएको काम घटाएर खुम्च्याउने काम गरेको बताउनु भएको थियो । 


 थप फोटोकोलागि तलको लिंकमा क्लिक गर्नहोस् ।

https://www.facebook.com/media/set/?set=a.122147987738435116&type=3

नेस्वहोमयू होटल अलफ्ट र व्यस्थापकबीच सामुहिक सौदाबाजी

नेपाल ट्रेड युनियन महासंघ (जिफन्ट) आबद्ध नेस्वहोमयूको होटल अलफ्ट प्रतिस्ठानले व्यवस्थापक समक्ष जेठ २९ गते राखेको २९ बुंदे मागको सन्दर्भमा ट्रेड युनियन र व्यस्थापकबीच सामुहिक सौदाबाजी भएको छ ।

आगामी २ वर्षकालागि भएको सम्झौतामा रू १३५० आधारभुत तलब र रू ९०० महंगी भत्ता गरी जम्मा रू २२५० बृद्धी गर्ने र करारमा रहेका श्रमिकहरूलाइ क्रमशः नियमित रोजगारीमा रूपान्तरण गर्दै जाने बिषयमा सम्झौता भएको छ । 

१०% सेवा शुल्क पुनप्राप्तिका कानुन निर्माण गर्न माग

नेपाल ट्रेड युनियन महासंघ (जिफन्ट) आवद्ध नेस्वहोमयु लगायतका अन्य २ दुइ युनियनले पर्यटन क्षेत्र तथा होटल श्रमिकहरूले गुमाएको १०%सेवा शुल्क पुनप्राप्तिका लागि आवश्यक कानुन निर्माण गर्न भाद्र ८ गते माननिय अर्थ मन्त्री विष्णु पौडेल र श्रम मन्त्रालयका सचिव डा. कृष्णहरि पुष्कर समक्ष ध्यानाकर्षण पत्र पेश गरेको छ ।

हायात रिजेन्सी होटल बन्द गर्न कुनै ट्रेड युनियनले सहमती गरेको छैन

नेपाल ट्रेड युनियन महासंघ (जिफन्ट) आवद्ध नेस्वहोमयु हायात रिजेन्सी होटल प्रतिष्ठान स्तरको ट्रेड युनियन लगायत नेपाल ट्रेड युनियन कांग्रेस र अखिल नेपाल ट्रेड युनियन महासंघ आवद्ध प्रतिष्ठान स्तरको ट्रेड युनियनहरूले कार्तिक ९ गते संयुक्त बिज्ञप्ती जारीगरी होटल प्रशासनलाई तत्काल आफ्नो निर्णय फिर्ता लिई होटल सञ्चालनमा ल्याउन तथा सबै श्रमिकको रोजगारी सुरक्षित गर्न आग्रह गरेको छ । 

गत भाद्र २३ र २४ गते भएको आन्दोलनको क्रममा होटेलमा भएको तोडफोड र आगजनीका कारण होटेलको मर्मत र पुनर्निर्माणको जोखिम तथा सुरक्षा संवेदनशिलता समेतलाइ मध्येनजर गर्दै प्रतिष्ठानमा क्रियाशिल ट्रेड युनियनसँग छलफल भई सुचना जारी गरिएको भन्ने भ्रम पुर्ण सुचना जारी गरिएको प्रती प्रतिष्ठानमा क्रियाशिल ट्रेड युनियनहरूको गम्भीर ध्यान आकर्षण भएको बिज्ञप्तीमा उल्लेख गरेको छ ।

बिज्ञप्तीमा होटलमा क्रियाशिल कुनै पनि ट्रेड युनियनसँग होटल वन्द गर्ने सर्न्दभमा कुनै छलफल, सहमती तथा समर्थन नभएको भन्दै आन्दोलनका क्रममा भएको क्षति मर्मत संभार पश्चात होटल तुरुन्त सञ्चालन गर्न सकिने अवस्था रहेको समेत स्पष्ट गरेको छ। 

आन्दोलनको क्रममा हिल्टन होटल पूर्ण रूपमा क्षतिग्रस्त हुँदा समेत आफ्ना श्रमिकहरूलाई अन्य विदेशस्थित होटलहरूमा रोजगारी सिफ्ट गरेर सुरक्षित गरेको र भाटभटेनी सुपरमार्केटले क्षतिग्रस्त शाखाहरूमा कार्यरत श्रमिकहरूलाई निष्कासन नगरी संरक्षण गरेको उदाहरणहरू सकारात्मक र श्रमिक-मैत्री अभ्यास भएको भन्दै नेपाल सरकार र सम्बन्धित निकायहरूलाई घटनाको निष्पक्ष छानबिन गरी क्षति पुर्याउने पक्षमाथि आवश्यक कारबाही गर्न र श्रमिकहरूको रोजगारी सुरक्षित गर्न अनुरोध समेत गरेको छ ।

हायात रिजेन्सी होटल तत्काल मर्मत गरी श्रमिकहरुलाई काममा फर्काउन माग

नेपाल ट्रेड युनियन महासंघ (जिफन्ट) आवद्ध नेपाल स्वातन्त्र होटल क्यासिनो तथा रेष्टुरेन्ट मजदूर यूनियन (नेस्वहोमयु) लगायत अन्टुफ आवद्ध अखिल नेपाल होटल क्यासिनो तथा रेष्टुराँ मजदूर संघ र एनटियुसी आवद्ध नेपाल पर्यटन तथा होटल सम्बद्ध श्रमिक संघद्वारा कार्तिक १० गते संयुक्त बिज्ञप्ती मार्फत हायात रिजेन्सी होटल तत्काल मर्मत कार्य अगाडी बढाई श्रमिकहरुलाई काममा फर्काउन होटल व्यवस्थापन पक्षसंग माग गरेको छ । 

बिज्ञप्तीमा श्रमिकहरुका सम्वन्धमा कुनै पनि पक्षबाट हुने निर्णयहरु श्रम ऐन २०७४, श्रम नियमावली २०७५ र सामाजिक सुरक्षा ऐन २०७४ मा भएको ब्यवस्थाका आधारमा हुनु पर्ने भन्दै विवादको समाधान होटल व्यवस्थापन र सम्वन्धित प्रतिष्ठानका श्रमिक प्रतिनिधि र ट्रेड यूनियनहरु बिचको सम्वादबाट समाधान खोज्न होटल व्यवस्थापन पक्षसंग माग गरेको छ ।