General Federation of Nepalese Trade Unions (GEFONT)

श्रम क्षेत्रको बांकी कामहरू पुरा गर्न मिलेर अगाडी बढ्नको विकल्प छैनः जिफन्ट अध्यक्ष श्रेष्ठ

इन्सपायर एसियाको आयोजनामा भदौ २५ गते काठमाडौँमा सम्पन्न दोस्रो विश्व पथप्रदर्शक राष्ट्रहरूको एसियन बैठकमा जिफन्ट अध्यक्ष बिनोद श्रेष्ठले – नेपालमा मर्यादित काम, योगदानमा आधारित सामाजिक सुरक्षा लगायतका श्रमिक पक्षीय थुप्रै कामहरु श्रम क्षेत्रमा उपलब्धि भएको बताउँदै यसको प्रभावकारी कार्यान्वयनमा अझै पनि समस्या रहेको बताउनु भएको छ ।

प्यानेलिस्टको रुपमा आफ्नो कुरा राख्दै ¬अध्यक्ष श्रेष्ठले ¬– दिगो विकास लक्ष्य हासिल गर्नकालागी श्रम क्षेत्रमा भएका उपलब्धिहरूलाई प्रभावकारी कार्यान्वयन गर्दै गर्न बांकी कामहरू पुरा गर्न हामी सबैको दायित्व रहेको भन्नु हुँदै मिलेर अगाडी बढ्नको विकल्प नभएको बताउनु भयो ।

दिगो विकासको लक्ष्यहरू प्राप्त गर्न कोविड-१९ को महामारी र अन्य कारणहरुले ढिलो हुने भएपछि त्यसलाई द्रुत गति दिन सुरु भएको यो विश्व अभियानको सदस्य राष्ट्र नेपाल पनि हो र एसियाका बांगलादेश, कम्बोडिया, भियतनाम र इण्डोनेसियाहरु पनि सदस्य राष्ट्र हुन।