नेपाली ट्रेड युनियन आन्दोलनको इतिहासमा २००३ सालको पहिलो पुस्ताको आन्दोलन पछि विभिन्न प्रतिष्ठान र स्थानीय तहमा मात्रै सीमित श्रमिक आन्दोलन २०३६ सालको ऐतिहासिक विद्यार्थी आन्दोलन स“गस“गै काठमाडौं, हेटौडा, विराटनगर लगायत देशभरि नै साना ठूला मजदुर आन्दोलनहरू उठेको थियो । तिनै आन्दोलनमा क्रियाशील मजदुरहरूद्वारा २०३६ साल माघ १५ गते बालाजु औद्योगिक क्षेत्रमा प्रथम राष्ट्रिय कार्यकर्ता भेला गरी (२००३ सालमा स्थापित अखिल नेपाल टे«ड युनियन काङ्गे्रसको असल उत्तराधिकारीको रूपमा) नेपाल स्वतन्त्र मजदुर युनियनको स्थापना भएको थियो । यो युनियन जिफन्ट परिवारकै सबैभन्दा जेठो युनियनको रूपमा स्थापित भएको थियो । जिफन्टको चार संस्थापक युनियनहरूमध्येको एउटा प्रमुख घटकको रूपमा रहेको यो युनियन २०५१ मंसीर ८ मा पहिलो टे«ड युनियन संघको रूपमा श्रम विभागमा दर्ता भएको थियो ।
सुरुका दिनमा सम्पूर्ण औद्योगिक श्रमिकहरूलाई स¨ठित गर्दै आएको यस युनियनबाट जिफन्टद्वारा २०५२ सालमा सञ्चालित विषयगत उद्योग अभियानपछि रसायन, धातुजन्य, खनिज तथा ऊर्जास“ग सम्बन्धित प्रतिष्ठानहरूलाई समेटेर नेपाल स्वतन्त्र केमिकल तथा आइरन मजदुर युनियन (नेस्वकेआमयू) र खाद्य वस्तु तथा पेय पदार्थस“ग सम्बन्धित प्रतिष्ठानका श्रमिकहरूलाई समेटेर नेपाल स्वतन्त्र खाद्य तथा पेय मजदुर युनियन र धागोसँग सम्बन्धित उद्योग प्रतिष्ठानका श्रमिकहरुलाई समेटेर नेपाल स्वतन्त्र टेक्सटायल गार्मेन्ट मजदुर युनियन बनेपछि बाँकी उद्योगहरु छाला तथा जुत्ता, सूर्ती, बिडी तथा चुरोट कारखानाहरू, इटाभट्टा र टायल कारखाना, ह्यूम पाइप, रोडा–ढुङ्गा उद्योगहरू, काष्ठकला, हस्तकला उद्योग, फर्निचर तथा प्लाइउड उद्योग, टेण्ट तथा तारपोलिन उद्योग, ड्राईल्किनिङ, कलर ल्याब, चलचित्र उद्योग, सलाई, आदि क्षेत्रमा नेस्वमयु केन्द्रित भएको थियो ।
हाल विश्वव्यापी रूपमा विभिन्न युनियनहरु बिच एकीकरण प्रक्रिया अगाडि बढिरहेको कुरालाई ध्यान दिदै, उत्पादन र उत्पादकत्व अभिवृद्धि सहित सबै श्रमिकहरूको जीवनस्तर उच्च बनाउन, श्रमिकहरुको हक, हित र अधिकारको रक्षा गर्ने सशक्त ट्रेड युनियन संघ स्थापना गर्नुपर्ने आवश्यकतालाई महसुुुस गरी औद्योगिक क्षेत्रका सबै उद्योगका श्रमिकहरुलाई एउटै बलियो ट्रेड युनियन संघमा आबद्ध गराउने उद्देश्यका साथ यस क्षेत्रमा कार्यरत तीन वटा युनियनहरु नेपाल स्वतन्त्र मजदुर युनियन (नेस्वमयु), नेपाल स्वतन्त्र केमिकल तथा आइरन मजदुर युनियन (नेस्वकेआमयू) र नेपाल स्वतन्त्र खाद्य तथा पेय मजदुर युनियन (नेस्वखापेमयु)लाई विघटन गरी २०७० जेठ १०, ११ र १२ गते संयुक्त रूपमा आयोजना गरेको एकीकरण अधिवेशनबाट नयाँ र एकीकृत समग्र उद्योग ट्रेड युनियन स्थापना गरिएको हो । राष्ट्रिय तहमा जिफन्टसँग आबद्ध यो ट्रेड युनियन अन्तर्राष्ट्रिय तहमा इन्डस्ट्रिअलसँग आबद्ध छ ।
संबद्ध गतिविधिहरू
ह्विन एस आर ड्रग्सको अध्यक्ष बिक्रम महर्जन चयन
नेपाल ट्रेड युनियन महासङ्घ (जिफन्ट) आवद्ध समग्र उधोग ट्रेड युनियन, नेपाल (ह्वीन)ले भाद्र ४ गते एस आर ड्रग्समा कार्यरत श्रमिक भेला सम्पन्न गरेको छ ।
ह्विन एस आर ड्रग्स अध्यक्ष बिक्रम महर्जनको अध्यक्षतामा, जिफन्ट बागमती प्रदेश अध्यक्ष रामहरी नेपालको प्रमुख अतिथ्यतामा भएको भेलाले नयाँ आर्थिक वर्षबाट बढेको न्यूनतम वेतनको कार्यान्वयन, सामाजिक सुरक्षा कोषमा आवद्द भएपछि बिगतको उपदान, संचयकोस र बोनसका विषयमा छलफल भएको थियो ।
ह्विन केन्द्रीय उप महासचिव अर्जुन चौलागाई र जिफन्ट चन्द्रागिरी पालिका अध्यक्ष राजभाई श्रेष्ठको सहभागितामा भएको भेलाले सामूहिक सौदाबाजी समिति गठन गरी ब्यवस्थापक समक्ष मागपत्र पेश गर्ने निर्णय समेत गरेको छ ।
ह्वीन केन्द्रिय कमिटीको २२ औॅ बैठक सम्पन्न
नेपाल ट्रेड युनियन महासंघ (जिफन्ट) आवध्द समग्र उघोग ट्रेड युनियन, नेपाल (ह्वीन) केन्द्रिय कमिटीको २२ औॅ बैठक जिफन्ट सभाहलमा भाद्र १४ गते सम्पन्न भएको छ ।
बैठकले ह्वीन महासचिव दिपक अचार्यले पेश गर्नु भएको सांगठनिक प्रतिवेदन, उपमहासचिब अर्जुन चौलागाईले पेश गर्नु भएको आर्थिक प्रतिवेदन पारीत गरेको छ ।
जिफन्ट अध्यक्ष बिनोद श्रेष्ठ, उपमहासचिब लक्ष्मण शर्मा सहभागी रहेको बैठकले १२ औॅ अधिवेशन चैत्र महिना भित्र गर्ने निर्णय समेत गरेको छ ।
इस्टन सुगर मिल्सको अध्यक्षमा रामदेव चौधरी निर्वाचित
नेपाल ट्रेड युनियन महासंघ जिफन्ट आबद्ध समग्र उधोग ट्रेड युनियन नेपाल (ह्वीन) इस्टन सुगर मिल्सको पुस ३ गते सम्पन्न १० औं अधिबेशनले रामदेव चौधरीको अध्यक्षतामा ११ सदस्य कमिटी र काशीराम चौधरीको संयोजकत्वमा ६ सदस्य सल्लाहकार समिती निर्वाचित गरेको छ ।
जिफन्ट कोशि प्रदेश अध्यक्ष किशोर धमलाको प्रमुख अथित्यतामा सम्पन्न अधिवेसनमा ह्वीन केन्द्रीय उपाध्यक्ष मनोज मगर, जुगकाटेमयु प्रतिनिधि परिशद प्रमुख धर्मानन्द सन्जेल लगायतका अतिथीहरूको उपस्थीत रहेको थियो ।
दुखमोचन मलाहको अध्यक्षतामा सम्पन्न अधिवेशनबाट निर्वाचित कमिटिलाइ ह्विन उपाध्यक्ष मनोज मगरले पद तथा गोपनियताको सफत ग्रहण गराउनु भएको थियो ।
ह्ववीन को १२ औं अधिवेशन चैत्र हुने
नेपाल ट्रेड युनियन महासंघ (जिफन्ट) आवद्ध समग्र उधोग ट्रेड युनियन नेपाल (ह्ववीन) को १२ औं अधिवेशन आगामी चैत्र २८ गते देखी पोखरामा आयोजना गर्ने भएको छ ।
जिफन्ट अध्यक्ष बिनोद श्रेष्ठ र महासचिव लक्ष्मण शर्माको उपस्थीतीमा ह्ववीन अध्यक्ष आनन्द थामीको अध्यक्षतामा पुस १९ गते जिफन्ट सभाहलमा सम्पन्न २३ औॅ पदाधिकारी बैठकले १२ औं अधिवेशन गर्ने निर्णय गरेको हो ।
उदयपुर सिमेन्टबाट निवृत्त श्रमिकलाइ सम्मान
नेपाल ट्रेड युनियन महासंघ (जिफन्ट) आवद्ध समग्र उधोग ट्रेड युनियन नेपाल (ह्विन) द्वारा उदयपुर सिमेन्ट उद्योग लिमिटेड बाट उमेर हदको कारण अनिवार्य सेवा निवृत्त हुनु भएका ह्वीन सदस्यहरू बैसाख ११ गते मजदुर भवन जलजलेमा बिदाई कार्यक्रम आयोजना गरेको छ ।
बिभिन्न मितिमा निवृत्त हुनु भएका बिश्व नारायण साह, प्रथम लाल चौधरी, लाल बहादुर येकतेन, अरूण कुमार कार्की, कुमारी मास्के, रमेश पोखरेल, ड्याम बहादुर लिम्बु, औवन खड्कालाइ जिफन्ट सचिब कृष्ण केसीले उधोग तथा युनियनलाई गरेको योगदानलाई उच्च सम्मान सहित शुभकामना ब्यक्त गर्नु भएको थियो
ह्वीन बागमती मोल्डीङ्ग र हुलास मेटलको अधिवेशन सपन्न
जिफन्ट अवद्ध समग्र उधोग ट्रेड युनियन (ह्वीन) बागमती मोल्डीङ्गको पॅाचौ अधिवेशन जेठ ३० गते सम्पन्न भएको छ ।
ह्वीन केन्द्रीय उपाध्यक्ष मनोज मगर, प्रदेश अध्यक्ष नविन चौधरीको उपस्थीतीमा भएको अधिवेशनले अहमद मियाँको अध्यक्षतामा एघार ११ सदस्यीय कमिटी निर्वाचित गरेको छ।
त्यसैगरी सोही दिन सम्पन्न हुलास मेटल एण्ड क्राफ्टको दोस्रो इकाई अधिवेशनले रजिलाल राजवंशीको ११ सदस्यीय कमिटी निर्वाचित गरेको छ।