General Federation of Nepalese Trade Unions (GEFONT)

लष्ट होराइजन इन्टरनेशनल ह्यान्डीक्राफ्टमा श्रमिक र व्यवस्थापक बिच सामूहिक सौदाबाजी

चन्द्रागिरि नगरपालिका वडा नं. ४ थानकोटमा संचालित लष्ट होराइजन इन्टरनेशनल ह्यान्डीक्राफ्टमा श्रमिक र व्यवस्थापक बिच सामूहिक सौदाबाजी भएको छ ।

सम्झौता अनुसार विगत ४ वर्षदेखि निरन्तर उद्योगमा कार्यरत २२ जना श्रमिकहरू २०८० साल साउन महिनादेखि नियमित रोजगार सम्झौता र न्यूनतम पारीश्रमिक लागू गर्ने, २०८१ साउन महिनादेखि योगदानमा आधारित सामाजिक सुरक्षा कोषमा सूचीकृत गर्ने सहमती भएको छ ।

असोज १५ गते व्यवस्थापक र श्रमिकबिच भएको सामूहिक सौदाबाजीमा नेपाल ट्रेड युनियन महासंघ (जिफन्ट) बागमती प्रदेश सचिब कृष्ण रिमाल, समग्र उद्योग ट्रेड युनियन, नेपाल (ह्वीन) बागमती प्रदेश अध्यक्ष बिदुर दानी, जिफन्ट चन्द्रागिरि अध्यक्ष राजभाइ श्रेष्ठ र सदस्य गोपाल आलेको उपस्थिति रहेको थियो ।