General Federation of Nepalese Trade Unions (GEFONT)

योगदानमा आधारित सामाजिक सुरक्षालाई प्रभावकारी बनाउन अर्थमन्त्री पौडेलको पुरा सहयोग रहने

अर्थमन्त्री माननिय बिष्णु पौडेलले योगदानमा आधारित सामाजिक सुरक्षालाई प्रभावकारी बनाउनेतर्फ आफ्नो पुरा सहयोग रहने बताउनु भएको छ ।

योगदानमा आधारित सामाजिक सुरक्षा कोषलाई ब्यवस्थित गर्न, श्रम ऎन, र कार्यबिधीलाई प्रभावकारी रूपमा कार्यान्वयन गर्न अर्थ मन्त्रालयको महत्त्वपूर्ण भुमिका हुने हुँदा नेपाल ट्रेड युनियन महासघ (जिफन्ट) अध्यक्ष बिनोद श्रेष्ठको समन्वयमा सामाजिक सुरक्षा कोषको प्रमुख कार्यकारी सहितको टीम असोज ८ गते मन्त्रालयमा भएको छलफलमा अर्थमन्त्री बिष्णु पौडेलले बताउनु भएको हो।

मन्त्री पौडेलले मन्त्रालयले गर्नुपर्ने सहयोगको स्पष्ट खाका समेत बनाउन सामाजिक सुरक्षा कोषका प्रतिनिधिलाई जिम्मेवारी समेत दिनु भएको कुरा छलफलमा सहभागी जिफन्ट सचिव तारानिधि पन्तले जानकारी गराउनु भएको छ ।