२०५२ सालको माघमा कमैया श्रमिकहरूको राष्ट्रिय भेलाले कमैया मुक्ति मञ्चको गठन गरेको थियो। जिफन्टको दोस्रो महाधिवेशनबाट कृषि क्षेत्रमा कार्यरत मजदुरहरूलाई संठित र आन्दोलित गर्नुपर्छ भन्ने उद्देश्यकासाथ २०५३ आश्विन ३—५ गते २० जिल्लाका ६० जना कृषि मजदुर प्रतिनिधिहरूको भेलाले कृषि मजदुर संघ, नेपालको स्थापना भएको हो । यो युनियन २०५९ फागुन ३० गते श्रम विभागमा दर्ता भएको छ । कृषि क्षेत्रमा काम गर्ने हली, गोठाला, खेताला, कृषि फर्ममा काम गर्ने श्रमिकहरू लगायत ज्याला वा करारमा काम गर्ने सबैखाले कृषि मजदुरहरू यस युनियनले समेट्ने गर्दछ । हाल यो युनियन सातैवटा प्रदेशहरूमा क्रियाशील छन् ।