नेपाल ट्रेड युनियन महासंघ जिफन्ट आवद्ध राष्ट्रिय सौन्दर्यकर्मी युनियन, नेपाल (नाबुन) द्वारा पुस ६ गते देखी जिफन्ट स्कुल अनामनगरमा प्रशिक्षण तथा योजना कार्यशाला आयोजना गरेको छ ।

प्रशिक्षण तथा योजना कार्यशाला शुभारम्भ गर्नु हुंदै जिफन्ट अध्यक्ष बिनोद श्रेष्ठले नेपालको बर्तमान ट्रेड युनियन आन्दोलनको अवस्था र आगामी कार्यभारको बारेमा प्रकाश पार्नु हुंदै युनियनले आगामी कामको योजना बनाइ रहंदा बदलिएको परीवेशलाइ ध्यान दिंदै युनियनको कार्यशैलीलाइ प्रबिधी मैत्री कसरी बनाउन सकिन्छ भन्ने कुरालाइ ध्यान दिनु पर्ने बताउनु भयो । 

हिजो र आज २ दिन सम्म संचालन भएको प्रशिक्षण तथा योजना कार्यशालामा ट्रेड युनियन आधारभुत ज्ञान र संगठन निर्माण कला बिषयमा जिफन्ट उपाध्यक्ष तथा शिक्षा बिभाग प्रमुख बिदुर कार्कीले, नेतृत्व निर्माण र परीचालन बिषयमा महासचिब लक्ष्मण शर्माले प्रशिक्षण दिनु भएको थियो ।