जिफन्ट आबद्ध समग्र उद्योग ट्रेड युनियन नेपाल (व्हिन) द्वारा विजया दशमी, तिहार, नेपाल सम्वत ११४५, ईद, छठ पर्व तथा तमु ल्होसारकों अवसरमा कार्तिक १३  गते चियापान तथा शुभकामना आदान प्रदान कार्यक्रम जिफन्ट मदेश प्रदेश कार्यालय सिमरामा सम्पन्न भएको छ ।

कार्यक्रमका प्रमुख अतिथि नेकपा (एमाले) पोलिटब्युरो सदस्य तथा पूर्व मन्त्री पुरूषोतम पौडेलले वैचारिक अवसरवाद हाबी भएकोले नेपालको राजनीतिमा स्टण्डवाज मौलाएको भन्नु हुँदै राजनीतिलाई सहि दिशामा ल्याउन वर्गीय आन्दोलनले मात्र सम्भव हुने बताउनु भएको छ । 

कार्यक्रममा जिफन्ट उपाध्यक्ष तथा मधेस प्रदेश सभा सदस्य मन्जु थापामगर, देवनारायण चौधरी, जिफन्ट मदेश प्रदेश अध्यक्ष कमलेश झा, व्हिन अध्यक्ष आनन्द थामी लगायतले सांस्कृतिक पर्वहरूको अवसरमा आ आफ्नो बिचार सहित शुभकामना ब्यक्त गर्नु भएको थियो ।

व्हिन मदेश प्रदेशका अध्यक्ष हेमराज न्यौपानेको अध्यक्षतामा प्रेम चौधरीले संचालन गर्नु भएको शुभकामना आदान प्रदान कार्यक्रममा मनोज चौधरीले स्वागत गर्नु भएको थियो ।