नेपाल ट्रेड युनियन महासंघ जिफन्ट आवद्ध नेपाल यातायात स्वतन्त्र मजदुर संगठन बागमती प्रदेशको चैत्र २१ गते सम्पन्न तेस्रो अधिवेशनले वेदप्रसाद घिमिरेको अध्यक्षतामा २२ सदस्य प्रदेश कमिटी र शंकर थापा प्रमुख रहनु भएको ६ सदस्य सल्लाहकार कमिटी निर्वाचित गरेको छ । 

नेपाल यातायात स्वतन्त्र मजदुर संगठन केन्द्रीय अध्यक्ष भिम ज्वाला राइको प्रमुख अतिथ्यतामा सम्पन्न भएको अधिवेशनमा जिफन्ट बागमती प्रदेश अध्यक्ष रामहरी नेपाल,  संगठनका उपाध्यक्ष ठाकुर प्रशाद गैरे, सुदुरपच्मि प्रदेश अध्यक्ष ललित चन्द, गण्डकी प्रदेश अध्यक्ष वेनिराज थिङ मधेश प्रदेश सचिव मनोज झा र डेकनाथ गौतम लगायतका अतिथीहरूले अधिवेशन सफलताको शुभकामना दिनु भएको थियो ।

२१७ जना प्रतिनिधी सहभागी रहेको अधिवेशनमा मुटु रोगबाट पिडित संगठनका सदस्य रमेश तामाङलाइ नगद ३९ हजार ५ सय बिस रूपया सहयोग समेत हस्तान्तरण गरेको थियो ।

त्यसैगरी सोहिदिन सम्पन्न लुम्बिनी प्रदेश कमिटी अन्तगर्त भैरहवा काठमाडौं रुट इकाई कमिटीको १२ औं अधिबेसनले शंकर न्यौपानेको अध्यक्षतामा ११ सदस्य इकाई कमिटी निर्वाचित गरेको छ ।