जिफन्ट आबद्ध इम्प्रेशन नेपालको प्रतिष्ठान युनियन - एनसेल कर्मचारी युनियनको वार्षिक साधारण सभा पुस ५ गते काठमाडैंमा सम्पन भयो । 

"strong in Salidarity - Unstoppable in - growth" नाराका साथ सम्पन्न कार्यक्रममा प्रमुख अतिथि जिफन्ट अध्यक्ष विनोद श्रेष्ठले कुनै पनि व्यवसायको प्रगति र विकासमा पुँजी र श्रमको बराबर महत्त्व रहेको र एनसेलले अहिलेको उचाई प्राप्त गर्नमा यसका मेहनती र इमान्दार कर्मचारी कै कारले कारणले भएको बताउनु भयो । 

जुन प्रतिष्ठानका कर्मचारी एकजुट भएर अगाडि बढेका हुन्छन् त्यहाँ अवश्य नै सफलता हासिल हुन्छ भन्नुभयो । जिफन्टमा आबद्धता भएकै निहुँमा अर्को युनियन खोल्ने काम भएता पनि त्यसलाई निस्तेज पार्नमा यो युनियनले सफलता प्राप्त गरेकोमा बधाई पनि दिनु भयो ।

कार्यक्रममा प्रचार सचिव - महेन्द्रलाल श्रेष्ठ, इम्प्रेशन नेपाल अध्यक्ष- बालगोपाल थापा, प्रदेश सचिव कृष्ण रिमाल, महासचिव सुरज अधिकारी तथा एनसेलका कार्यकारी निर्देशक जाबर कायुमोभको अतिथ्यता र शुकान्त अधिकारीको अध्यक्षतामा भएको सो वार्षिक सभाबाट विजयराज महतको अध्यक्षतामा १५ सदस्यीय नयाँ कमिटी पनि चयन भएको छ।