नेपाल ट्रेड युनियन महासंघ (जिफन्ट) सम्वध्द यूनियन नेपाल बिजुली, पेण्टर, प्लम्बर तथा निर्माण मजदुर युनियन (क्यूपेक नेपाल) ले करिब १ महिनादेखि अलपत्र परेका ७० जना श्रमिकलाई उद्धार गरि घर पठाएको छ ।

टोखास्थित होराइजन अपार्टमेन्टको ठेकेदार राशुला अलिले काम लगाई सुरिक्षत आवास र रासनको पनि व्यवस्था नगरेको जानकारी आएकोले क्युपेक नेपालको पहलमा उद्घार गरिएको थियो । 

क्युपेक केन्द्रीय उपाध्यक्ष योगेन्द्र शर्मा, जिल्ला श्रम बिभाग सदस्य टेक नारायण यादब र जिफण्ट टोखानगर कमिटी अध्यक्ष लिला बहादुर बस्नेत सहितको टोलीले सम्बन्धित पक्षसँग समन्वय गरेका थिए ।