निरङ्कुश पञ्चायती व्यवस्थाको चरम दमनको अवस्थामा २०४० साल बैशाख १ गते टे«किङ क्षेत्रमा कार्यरत मजदुरहरूले आप्mनो हक हित र अधिकार प्राप्तिको लागि ट्रेकिङ मजदुर संघ, नेपालको स्थापना गरेका थिए । नेपाल ट्रेड युनियन महासंघको चार वटा संस्थापक सदस्य युनियनहरूमध्ये ट्रेकिङ मजदुर संघ, नेपाल पनि एक हो । त्यसबेला यस युनियनको अध्यक्ष स्वर्गिय नुरु वाङछु सेर्पा हुनुहुन्थ्यो । नेपाल ट्रेकिङ मजदुर संघको पहिलो राष्ट्रिय सम्मेलन २०४० साल बैशाख १ गते भएको थियो । यस युनियनले २०४६ सालको जनआन्दोलनपछि थुप्रै किसिमका मजदुर गतिविधिहरू सञ्चालन गर्दै अगाडि बढिरहेको छ । २०५५ साल पौष २५ गते सम्पन्न सातौं राष्ट्रिय सम्मेलनले यसको कार्यक्षेत्रलाई पैmलाएर लानुपर्ने महसुस गरी ट्राभल्स र रयाफ्टिङ क्षेत्रलाई पनि समेट्ने निर्णय गरयो । त्यही बेला यस युनियनको नाममा ट्राभल्स र रयाफ्टिङ थपिएको थियो, पछि एयरलायनस पनि थपेर नेपाल ट्रेकिङ–ट्राभल्स–रयाफ्टिङ, एयरलायन्स मजदुर युनियन राखियो, छोटकरीमा युनिट्राभ भनी नामाकरण गरियो ।